Musavat.com xəbər verir ki, bu, Macarıstanın baş naziri Viktor Orbandır.

Qəzetin yazdığına əsasən, bu həftə Viktor Orban üçün dönüş nöqtələrindən biri sayıla bilər. Belə ki, Avropa Birliyi Parlamentinin ən böyük fraksiyası sayılan “Avropa Xalq Partiyası” macar baş nazirin partiyasının sıralarından xaric olunması məsələsinə baxmalıdır.

Bu məsələ martın 20-də Brüsseldə müzakirə olunacaq.

 

“Viktor Orbanın Fides partiyası “Avropa Xalq Parityası” tərkibindən çıxarılsa, o, başqa bir cərəyana, ya radikal sağçılara, ya da populistlərə qoşula bilər. Bilindiyi üzrə, Avropa millətçilərinin Birlik parlamentində “Qanun və Ədalət” adlı fraksiyası mövcuddur”,- deyə “The Guardian” yazır.

“Liberal demokratiya dövrü sona çatmaq üzrədir”,- deyə qəzet Viktor Orbanın Fidesinin üst-üstə 3-cü qələbəsindən sonra bəyanını xatırladıb.

“The Guardian” Qərbi Avropada milli partiyalara dəstəyin gün-gündən artdığına diqqət çəkərək yeni siyasi liderlərin Viktor Orbandan nümunə götürə biləcəyi ehtimalından yazıb.