AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Avtomobili rəsmi salondan, yoxsa alverçidən almaq lazımdır? - FOTO


Tarix 27.11.23, 19:05	Font ölçüsü : - / +

Son illər Azərbaycana avtomobil idxalı artmaqdadır. Təbii ki, bu, əhalinin alıcılıq qabiliyyətinin artması ilə birbaşa bağlıdır. Nazirlər Kabinetinin bu ilin martında qəbul etdiyi qərara görə, istehsal müddəti 10 ildən çox keçən avtomobillərin idxalının qadağan edilməsi yeni avtomobillərin ölkəmizə daha çox idxalına şərait yaradıb.

Dövlət Gömrük Komitəsinin (DGK) açıqladığı statistik məlumatlarına görə, bu ilin yanvar-oktyabr aylarında ölkəmizə 1 milyard 374 milyon ABŞ dolları dəyərində 81 206 ədəd müxtəlif təyinatlı avtomobil idxal olunub. Bu da ötən ilin eyni dövrü ilə müqayisədə müvafiq olaraq 65,7% və 33,6% çoxdur.

Aparılan monitorinqlərə əsasən, avtomobil idxalının əsas hissəsini rəsmi nümayəndəliklərdən daha çox ayrı-ayrı hüquqi və fiziki şəxslər həyata keçirirlər. Bu isə təbii ki, diler və distribütorların narazılığına səbəb olur.

Görəsən, həqiqətənmi narahat olmağa əsas var, yoxsa bu, normal prosedurdur?

“Report”a açıqlama verən nəqliyyat məsələləri üzrə ekspert Eldəniz Cəfərov hesab edir ki, idxalçıların çoxluğu Azərbaycanın avtomobil bazarında rəqabətli mühit formalaşdırır:

“Bu gün Azərbaycanın avtomobil bazarı Qafqazda fəal bazarlardan biridir və bunun əsas səbəblərindən biri bazara cürbəcür ölkələrdən müxtəlif çeşidli avtomobillərin gətirilməsidir. Yəni bu gün 5 nəfərin, yaxud 5 şirkətin diktəsi, istəyi əsasında bazar, bazardakı qiymət formalaşmır. Bu səbəbdən də avtomobil bazarında süni qiymət artımını etmək də mümkün deyil”.

Onun sözlərinə görə, bazarda rəsmi diler və distribütorlarla yanaşı, qeyri-rəsmi şirkətlər, fərdi şəxslər də ölkəmizə avtomobil idxalını həyata keçirirlər:

“Hesab edirəm ki, qeyri-rəsmi şəxslər tərəfindən gətirilən avtomobillərin Azərbaycan avtomobil bazarına mənfi təsiri yoxdur. Əksinə çeşidin artması və qiymətlərin tənzimlənməsi baxımından faydası var. Çeşidin artması isə vətəndaşların seçim imkanlarını daha da artırır”.

Nəqliyyat və infrastruktur məsələləri üzrə ekspert Yasin Mustafayev hesab edir ki, Azərbaycanda bir sıra rəsmi dilerlər avtomobilləri ucuz deyil, baha satırlar:

“Bazarda qeyri-rəsmi satıcıların peyda olmasının əsas səbəbkarları məhz dilerlərdir. Çünki onlar tələbatı ödəyə bilmirlər və bu isə təbii ki, yeni satıcıların ortaya çıxmasına səbəb olur. Bir sıra rəsmi nümayəndəliklərə hansısa modellə bağlı zəng edəndə bildirirlər ki, hazırda salonda avtomobil yoxdur, amma 6 ay ərzində gətirə bilərlər. Bu, artıq real mənzərənin nədən ibarət olduğunu göstərir. Amma rəsmi salonların gətirə bilmədiyi avtomobilləri qeyri-rəsmi satıcılar gətirə bilirlər. Çünki rəsmi nümayəndəlikdən fərqli olaraq alverçi dediyimiz şəxslər müxtəlif ölkələrdə olan anbarlarla işləyə və nəticədə tələb olunan avtomobili tezliklə gətirə bilirlər.

Digər bir məsələ də ondan ibarətdir ki, bir çox rəsmi dilerlər avtomobilləri 20-30% civarında baha satırlar. Bu da əslində doğru yanaşma deyil. Çünki distribütor endirimləri olur. Bu endirimlər gətirilən avtomobillərin alış sayından asılı olaraq 20-30%, hətta bəzən 50%-ə qədər ola bilər. Mənə elə gəlir ki, Azərbaycandakı distribütorlar çox az sayda avtomobil alır, çünki onların özləri avtomobilləri baha əldə edirlər.

Hesab edirəm ki, bazarda rəsmi diler və distribütorlarla yanaşı qeyri-rəsmi satıcıların olması bazarın inkişafına müsbət təsir edir. Bunun yalnız iki halda neqativ tərəfi ola bilər. Birincisi, rəsmi salonların gəlirlərinə və bazardakı hökmranlığına mənfi təsir edir.

İkinci narahatlıq yarada biləcək məsələ isə rəsmi servis və zəmanətlə bağlı ola bilər. Belə ki, alverçilərin gətirdiyi avtomobillərin rəsmi servis zəmanəti olmur. Reallıq isə onu göstərir ki, qeyd etdiyim bu məqam tələb və təklifə o qədər də təsir etmir”.

Xəbərin oxunma sayı : 691