Nazirliyin statistikasına əsasən ötən ilin müvafiq dövrü ilə müqayisədə ölkədə ümumi qaz hasilat həcmləri5,23 faizlik artım nümayiş etdirib.

Neft-qaz sahəsi üzrə ekspert İlham Şaban cari ilin son üç ayının rəsmi statistikasını təhlil edərək belə bir nəticəyə gəlib ki, 8 ayda çıxarılmış qazın 24 milyard kubmetrdən çoxunu əmtəəlik qaz təşkil edib. O, xatırladır ki, hələlik Dövlət Statistika Komitəsi yanvar-avqust aylarının göstəricilərini açıqlamayıb.

Ekspert bildirir ki, hasilatın həcminin artmasına 2023-cü iln 10 iyun tarixindən “Abşeron” yatağından qaz hasilatına başlanması da təsir göstərib: “Bununla belə, “Şahdəniz” yatağı Azərbaycanın əsas qaz hasilat aktivi olaraq qalır. Bu yataqdan çıxarılan mavi yanacaq hazırda ölkənin ümumi əmtəəlik qaz hasilatının 73%-ni təşkil edir”.

İ.Şaban xatırladır ki, cəmi beş il əvvəl “Şahdəniz-2”- dən hasilat başlananda Azərbaycanda əmtəəlik qaz hasilatının gündəlik həcmi 53 milyon kubmetr idi.