Fransada kübar cəmiyyət nümayəndələrinin ziyafətlərində ilbiz ekzotika sayılır. Bu yemək daha çox varlı insanların süfrələrində yer alır. Səbəb isə onun həddindən artıq bahalı olmasıdır.

“Marja” xəbər verir ki, bu ilin Yanvar ayında Azərbaycanda “AZDELİKATES-ALFA” MMC adlı şirkət yaradılıb.

“Marja”nın əldə etdyi məlumata görə, ixraca yarıyan ilbizlər kəndlilər tərəfindən yığılır və şirkətə təhvil verilir. Xususi emal prosesindən keçirildikdən sonra ilbizlər ixrac edilir.

İlbizin biri kəndlilərdən 50 qəpiyə alınır. “AZDELİKATES-ALFA” MMC isə ilbizin kiloqramını Yunanıstana 100 avroya satır.

18.01.2017-ci il tarixində yaradılmış “AZDELİKATES-ALFA” MMC-nin qanuni təmsilçisi Məmmədəmin Hacızadə Orucəli oğludur.

Qeyd edək ki, Türkiyə çoxdandır Avropaya ilbiz ixrac edir. Fabrikdə qabığından ayrılan ilbizlər dondurularaq 90%-i Fransaya olmaqla, Rumıniya, Bolqarıstan, Çexiya, Makedoniya kimi Avropa ölkələrinə göndərilir. Yüksək zülal və aşağı yağ nisbətilə bir qida olan ilbiz bu ölkələrdə intensiv istehlak edilir.