AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Azərbaycan Ordusu Naxçıvanda komanda-qərargah təlimi keçirib - FOTO/VİDEO


Tarix 01.06.23, 20:38	Font ölçüsü : - / +

2023-cü tədris ilinə hazırlıq planına uyğun olaraq Əlahiddə Ümumqoşun Orduda birləşmə və hissələrlə növbəti komanda-qərargah təlimi keçirilib.

AzFakt.com xəbər verir ki, təlim birləşmə, hissə və bölmələrin müxtəlif döyüşə hazırolma dərəcələrinə gətirilməsi üçün təlim döyüş həyəcan siqnalı ilə qaldırılaraq təyinat rayonlarına çıxarılmaqla başlanılıb. Cəmləşmə rayonlarında düşmənin pilotsuz uçuş aparatlarına qarşı mübarizə, maskalanma, müdafiə və mühafizə tədbirlərinin yerinə yetirilməsi sualları məşq etdirilib.

Təlimdə qarşıya qərargahlar tərəfindən əməliyyatların planlaşdırılması, əməliyyatların gedişində komandirlər tərəfindən mürəkkəb şəraitdə qərarların qəbuledilməsi, tabelikdəki bölmələrin idarə olunması və motoatıcı bölmələrlə digər qoşun növü bölmələri arasında qarşılıqlı əlaqənin saxlanılması üzrə zabitlərin bacarıqlarının təkmilləşdirilməsi və praktiki vərdişlərinin artırılması kimi məqsədlər qoyulub.

Təlimin növbəti mərhələsində yaranmış taktiki şəraitə uyğun olaraq vəziyyət qiymətləndirilməsi aparılıb, tabelikdə olan birləşmə, hissə və bölmələrin tapşırıqları dəqiqləşdirilib. Planlaşdırmanın gedişində qərargahlar tərəfindən taktiki hesabatlar aparılıb və zəruri məlumatlar hazırlanıb. Müxtəlif rabitə və avtomatlaşdırılmış idarəetmə sistemlərindən istifadə etməklə hissə və bölmələrin idarə olunması üzrə sərəncamların və qrafiki sənədlərin göndərliməsi praktiki olaraq həyata keçirilib.

Təlimə cəlb olunan artilleriya, tankəleyhinə, hava hücumundan müdafiə bölmələrinin ümumqoşun birləşmələri ilə birgə fəaliyyətləri məşq etdirilib. Əsas diqqət bölmələrin dağlıq ərazidə fasiləsiz idarəolunmasına, qarşılıqlı fəaliyyətin və hərtərəfli təminatın təşkilinə yönəldilib.

Təlimin gedişində artilleriya bölmələrinin atəş dəstəyindən faydalanan mexanikləşdirilmiş bölmələr şərti düşmənin canlı qüvvəsinin və döyüş texnikalarının məhv edilməsi üçün taktiki tapşırıqları icra ediblər.

Komanda-qərargah təliminin sonuncu mərhələsində qəbul edilmiş qərarların və aparılmış hesabatların reallığı Simulyasiya Mərkəzində kompüterlər üzərində yoxlanılıb.

Təlimin sonunda icra edilmiş fəaliyyətlərin təhlili aparılan zaman bölmələr arasında uzlaşmış fəaliyyətlərə nail olunduğu, silah və döyüş texnikasının, eləcə də müasir silah sistemlərinin və texniki vasitələrin tətbiqində uğur qazanıldığı qeyd edilib.