Enerjidən yata bilmirəm... - Müğənni Aygün Ağayeva Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI
Axtar
 
  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

Azərbaycan təhsili belə idarə olunur... - 12 saylı peşə liseyini bir təftiş etsələr...

Tarix 15.07.19, 9:37

Font ölçüsü : - / +
bitmap-img6


Ölkəmizdə peşə-ixtisas təhsili sahəsində dövlət siyasətinin həyata keçirilməsini təmin etmək məqsədilə Prezident İlham Əliyevin 2016-cı il 20 aprel tarixli fərmanı ilə Təhsil Nazirliyi yanında Peşə Təhsili üzrə Dövlət Agentliyi yaradıldı. Bu bir daha onu göstərir ki, ölkəmizdə peşə-ixtisas təhsilinə böyük ehtiyac var və bu məsələ ölkə rəhbərliyinin ciddi nəzarətindədir. 

Ancaq təəssüf ki, bəzi peşə liseylərinin rəhbərləri dövlətin bu sahəyə qayğısını və ayırdığı vəsaiti öz şəxsi maraqları üçün istifadə edir, hətta qanunsuzluqlara imza atmaqdan çəkinmir, bəzi hallarda cinayətə yol verirlər. 

Belə lisey direktorlarından biri də hazırda 12 saylı Bakı Peşə Liseyinə rəhbərlik edən Hüseynov Mətləb Eldar oğludur. Gəlin cənab Mətləb Hüseynovun pedoqoji fəaliyyətinə qısa nəzər salaq. Əvvəllər Bakı Sənaye-Pedoqoji Kollecində çalışan Mətləb Hüseynovun əməlləri barədə kollecin bütün kollektivi məlumatlı idi, hətta bu məsələ hüquq-mühafizə orqanlarında da araşdırılıb.

Belə olan halda o zamankı təhsil naziri Mikayıl Cabbarov 30 oktyabr 2015-ci il tarixdə Mətləb Hüseynovu 9 saylı Bakı Peşə Liseyinə direktor təyin edəndə niyə ondan soruşmadı ki, səni niyə kollecdən uzaqlaşdırıblar, saxta diplomu kim satıb, buna görə kim həbs olunub? Mikayıl Cabbarov onun əməllərindən bəlkə məlumatsız idi ?

Yaxşı, tutaq ki, Mikayıl Cabbarov "gözünü yumub", "deputat oğlu Samirin xatirinə " Mətləb Hüseyova etimad göstərərək onu 9 saylı liseyə direktor təyin edib. Görək, yeni direktor cənab nazirin və Samirin etimadını necə doğruldub? 

Az qala bütün ölkə mediası 9 saylı liseyin direktorunun qanunsuz əməllərindən yazsa da nəticəsi olmayıb. 

Mediada gedən məlumatlara görə, o, liseyin balansında olan sürüş təlim avtomobilini öz şəxsi işləri üçün qeyri-qanuni istismar edib, istismara tam yararsız digər avtomobilə sürücü işə qəbul edib, sürücü heç vaxt işə gəlməyib, onun maaşı mənimsənilib, işə çıxmayan 3 gözətçidən birinin maaşı mənimsənilib, fəhlə ştatına götürülən şəxsin maaşını kimsə alıb, 15-20 il iş təcrübəsi olanları vəzifədən azad edib və onların yerinə bu sahədən heç bir xəbəri olmayan şəxsləri təyin edib, qanunsuz olduğu halda lazımi iş təcrübəsi və ali təhsili olmayanlara dərs saatı verib və s. Direktorun qanunsuz əməlləri bir deyil, iki deyil, üç deyil...Mətləb Hüseynov 9 saylı liseyə direktor təyin olunan kimi özbaşına qeyri-qanuni komissiya təşkil edib ki, onların da nə məktəbə, nə də ki, nazirliyə heç bir aidiyyəti yoxdur. Və həmin qanunsuz yoxlamaların nəticəsi olaraq qərar qəbul edib və bəzi müəllimlər, istehsalat təlimi ustalarını işindən də uzaqlaşdırıb. Və həmin şəxslərin yerinə qanunsuz olaraq işçilər götürüb. Və bütün bunlardan xəbər tutan Təhsil Nazirliyi, Agentlik və Korrupsiyaya qarşı Mübarizə İdarəsi məsələyə qarışmalı olub. Nəticədə Mətləb Hüseynov 9 saylı Peşə Liseyinin direktoru vəzifəsindən azad edilib. Amma nə faydası ? Vəzifəsini itirən Mətləb Hüseynov ən yaxşı müdafiə hücumdur deyərək, haray-həşir salıb, "mənim 40 limonumu qaytarın", "bu xəmir çox su aparacaq", "açaram haa, tökərəm haa.." deyərək Təhsil Nazirliyinə, Təhsil Nazirliyi yanında Peşə Təhsili üzrə Dövlət Agentliyinin rəhbərliyinə hücuma keçib. Bunu eşidən qurumların rəhbərləri 1 ay öncə Mətləb Hüseynovu yenidən başqa bir liseyə - 12 saylı Bakı Peşə Liseyinə direktor təyin etməyə məcbur olublar. 

NUH.az-a 9 saylı liseydən daxil olan məlumata görə, hazırda 9 saylı liseyə yeni təyin olunan xanım direktor keçmiş həmkarı Mətləb Hüseynovun qanunsuz əməllərini görəndə dəhşətə gəlib və tələb edib ki, 9 saylı liseydə təcili yoxlama aparılsın.

NUH.az-a daxil olan digər məlumata görə, Peşə Təhsili üzrə Dövlət Agentliyi hazırda 9 saylı liseydə yoxlama aparır. Mətləb Hüseynovu hansı aqibətin gözlədiyi yaxın günlərdə bəlli olacaq. 

P.S. Görəsən, yeni təhsil nazirimiz Ceyhun Bayramovun, Agentliyin təzə direktor əvəzi cənab Pərviz Yusifovun "karusel lisey direktoru" Mətləb Hüseynovun əməllərindən xəbəri yoxdur ? 

Mövzunu davam etdirəcəyik. 

Qarşı tərəfin mövqeyini dərc etməyə hazırıq. 



Xəbərin oxunma sayı : 340




Sosial

Xəbərlər

ARXİV
Əlaqə | Haqqımızda  
Buy website traffic cheap