İşsiz şəxslərdən cəmi 501 nəfəri işsizlikdən sığorta ödənişi alır. İşsizliyə görə sığorta ödənişinin orta aylıq məbləği 338,9 manatdır.

Oxu.Az ən çox işsiz əhalisi olan şəhərlərin, rayonların ilk 10-luğunu hazırlayıb.

Ən çox işsiz şəxs Bakı şəhərindədir – 27 min 454 nəfər. Sumqayıt şəhəri üzrə isə 5 726 nəfər işsiz var.

Şəmkir rayonunda 4 120 işsiz qeydə alınıb. Gəncə şəhərində 2 366 işsiz var. Ağdam rayonu siyahıda beşinci yerdə qərarlaşıb – 2 128 nəfər.

Gədəbəy rayonu üzrə işsizlərin sayı 1 973 nəfərdir. Mingəçevir ən çox işsizi olan bölgələrin siyahısındadır. Son rəsmi məlumatlara görə, bu şəhərdə 1 948 işsiz qeydiyyatdadır.

Abşeron rayonunda qeydə alınan işsizlərin sayı 1 927 nəfərdir. Salyan rayonunda 1 826 nəfər işsiz qeydiyyata alınıb. Bərdə rayonunda 1 754 işsiz yaşayır.