Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, mayın 25-i saat 11:00-a olan məlumata əsasən, ölkə ərazisində hava şəraiti qeyri-sabit olub, şimşək çaxıb, arabir yağış yağıb, bəzi yerlərdə leysan xarakterli intensiv olub, dağlıq ərazilərdə qar yağıb.

Qar örtüyünün hündürlüyü Xınalıqda 20 sm, Qrızda 14 sm olub.

Düşən yağıntının miqdarı Oğuzda 62 mm (aylıq normanın 59%-i), Qəbələdə 59 mm (aylıq normanın 49%-i), Qrızda 35 mm (aylıq normanın 41%-i), Xınalıqda 32 mm (aylıq normanın 58%-i), Altıağacda 31 mm (aylıq normanın 43%-i), Xaltanda 29 mm (aylıq normanın 34%-i), Bərdədə 28 mm (aylıq normanın 54%-i), Göygöldə 28 mm (aylıq normanın 24%-i), Zaqatalada 25 mm, Tərtərdə 23 mm (aylıq normanın 44%-i), Cəfərxanda 23 mm (aylıq normanın 70%-i), Qusarda 22 mm (aylıq normanın 40%-i), Yevlaxda 20 mm (aylıq normanın 50%-i), Balakəndə 20 mm, Sabirabada 19 mm (aylıq normanın 57%-i), Zərdabda 18 mm (aylıq normanın 49%-i), Qubada 18 mm (aylıq normanın 33%-i), Şəkidə 17 mm, Beyləqanda 16 mm (aylıq normanın 42 %-i), Şirvan, Qobustan, Tovuz, Ləzə, Kürdəmirdə 15 mm (aylıq normanın 39%-i), Daşkəsəndə 15 mm, Mingəçevirdə 14 (aylıq normanın 31%-i), Sarıbaşda (Qax) 14 mm, Gədəbəy, Göyçayda 13 mm, İmişlidə 12 mm (aylıq normanın 36%-i), Salyanda 12 mm (aylıq normanın 45%-i), Lerik, Neftçalada 12 (aylıq normanın 46%-i), Naftalanda 12 mm, Yardımlı, Şahbuzda 11 mm, Ağdamda 10 mm, Naxçıvan, Gəncə, Kişçayda (Şəki) 9 mm, Şəmkir, Ağdərədə (Ordubad) 8 mm, Ağstafa, Hacıqabulda 5 mm, Şabran, Şərurda 4 mm, Astara, Culfada 1 mm, Binə, Bakıda 3 mm, Sumqayıt, Maştağa, Pirallahıda 2 mm-dək olub.

Mayın 24-də şimal-qərb küləyi arabir Gəncədə 24 m/s, Naftalanda 21 m/s, Şərur, Naxçıvanda 15 m/s, Bakıda və Abşeron yarımadasında Bakıda 24 m/s, Binə, Sumqayıtda 21 m/s, Pirallahıda 17 m/s, Neft Daşlarında 16 m/s-dək güclənib.

Neft Daşları stansiyasının məlumatına əsasən, dalğanın hündürlüyü 2,7 metrə çatıb.

Havanın temperaturu mayın 24-də Bakıda iqlim normasından 2 dərəcə aşağı olub, havanın minimal temperaturu Bakıda və Abşeron yarımadasında 14 dərəcəyədək isti, Naxçıvan MR-da 8-12, dağlıq rayonlarda 0-5, aran rayonlarında 12-14 dərəcə isti olub.