Daxili İşlər Nazirliyindən verilən məlumata görə, məlum olub ki, qaçan şəxs xətt avtobusunda digərinin cibindən pul çıxarıbmış.

Binəqədi Rayon Polis İdarəsinin 6-cı Polis Bölməsinə gətirilən həmin şəxslərin Bakı şəhər sakini Feyruz Əbdülbaqiyev və Qusar rayon sakini, əvvəllər dəfələrlə məhkum olunmuş Akif Ağaxanov olmaları məlum olub. Araşdırmalarla A.Ağaxanovun F.Əbdülbaqiyevin cibindən 20 manat oğurlaması müəyyən edilib.

A.Ağaxanovla bağlı əməliyyat tədbirləri ilə oktyabrın 10-da onun eyni üsulla Bakı şəhər sakini olan bir qadının içərisində 100 manat və sənəd olan pulqabısını oğurladığı da müəyyən edilib.

Faktla bağlı cinayət işi başlanılıb.