AFakt.com-un xəbərinə görə, prosesdə təqsirləndirilən şəxslərin anket məlumatları dəqiqləşdirilib. Məhkəmə baxışı aprelin 17-nə təyin edilib.

Qeyd edək ki, Binəqədi Rayon Polis İdarəsi 7-ci Polis Bölməsi əməkdaşları tərəfindən həyata keçirilən əməliyyat-axtarış tədbiri nəticəsində Şamil Şirinovun evindən 70 min ABŞ dollarını oğurlamaqda şübhəli bilinən Ağdam rayon sakinləri - Elgün Yusifov, Elşad Namsov, Vazeh Babayev və Kəlbəcər rayon sakini Röyal Sabirli saxlanılıblar.

Araşdırma zamanı məlum olub ki, zərərçəkənin mənzilində külli miqdarda pul saxlaması barədə dəstə üzvü E.Yusifovun əvvəlcədən məlumatı olub. Onun təklifi əsasında dəstənin digər üzvü R.Sabirli mənzilə daxil olaraq pulu oğurlayıb. Hadisədən sonra isə əldə etdikləri məbləği aralarında bölüblər.

İlkin dindirmə zamanı saxlanılan şəxslər ifadələrində törətdikləri hadisəni etiraf ediblər.