Aygün Kazımova görnüşü ilə göz qamaşdırdı - VİDEO Rozanın obrazı səs-küy yaratdı - VİDEO Məşhurlar instaqramda - FOTOLAR Nəsrin Cavadzadə çimərlik geyimində - FOTOLAR
Axtar
 
  • / Maqazin / — 14 Aprel 2024

    Aygün Kazımova görnüşü ilə göz qamaşdırdı - VİDEO

  • / Maqazin / — 13 Aprel 2024

    Rozanın obrazı səs-küy yaratdı - VİDEO

  • / Maqazin / — 12 Aprel 2024

    Məşhurlar instaqramda - FOTOLAR

  • / Maqazin / — 11 Aprel 2024

    Nəsrin Cavadzadə çimərlik geyimində - FOTOLAR

  • / Maqazin / — 30 Mart 2024

    Aygün Kazımova geyimi ilə diqqət çəkdi - VİDEO

  • / Maqazin / — 26 Mart 2024

    Enerjidən yata bilmirəm... - Müğənni Aygün Ağayeva

Bakıda hərracdan maşın almaq istəyənlərin başına iş gəldi: “Pulu ödəsəm də, etibarnaməni ləğv etdi”

Tarix 28.02.24, 15:52

Font ölçüsü : - / +
bitmap-img6


Bakıda bank tərəfindən hərraca çıxarılmış avtomobilləri almaq istəyən bir neçə nəfər dələduzluqla üzləşdiklərini bildirir.

“Qafqazinfo”ya müraciət edən 1988-ci il təvəllüdlü Bəhruz Şahbazov özlərini banklardan birinin əməkdaşı kimi təqdim etmiş şəxslərin ona və digər 3 nəfərə məxsus xeyli miqdarda pulu ələ keçirdiyini deyib.

Həmin şəxslərin bankın hərracda olan maşınlarını onlara satmaqla bağlı vəd verdiyini və avtomobillərin pulunu əvvəlcədən aldığını bildirən şikayətçi sonradan maşınların başqalarına satıldığını öyrənib. O, bəzi avtomobillərin özlərini bank əməkdaşı və vasitəçi kimi təqdim edən Nihat Teyyubov adlı şəxsin adına sənədləşdirilməsini iddia edib: 

“Mən və digər zərərçəkmiş 3 nəfər: İlkin Əsgərov, Fikrət Məhərrəmov və Pənah Hüseynov başımıza gələnlərlə bağlı polisə şikayət etdik. Bildirdik ki, Nihat Nüsrət oğlu Teyyubov və Etibar Məmmədəli oğlu Aslanov aldatma, etibardan sui-istifadə etməklə özgə əmlakının ələ keçirilməsi niyyəti ilə qabaqcadan əlbir olublar. Nihat Teyyubov bank əməkdaşlarının köməyindən də istifadə etməklə məni aldadaraq bank tərəfindən hərraca çıxarılmış 10-PL-455 nömrə nişanlı “Hyundai Sonata” və 10-PT-092 nömrə nişanlı “Hyundai Accent” markalı nəqliyyat vasitələrinin alınması ilə bağlı ümumilikdə 32 300 manat məbləğində pulumu ələ keçirib. Pulu aldıqdan sonra “Hyundai Sonata” markalı nəqliyyat vasitəsini öz adına rəsmiləşdirib. Daha sonra isə mənim adıma sənədləşdirilməsi üçün 700 manat, sığorta və nömrə üçün 232 manat aldı. Bundan sonra isə ustalara da müəyyən xərc çəkildikdən sonra 10 dekabr 2023-cü il tarixdə etibarnaməni ləğv etdirərək nəqliyyat vasitəsini apardı”.

Zərər görən İ.Əsgərov (66 300 manat), F.Məhərrəmov (14 000 manat) və P.Hüseynov da eyni məzmunlu əməllə üzləşdiklərini, külli miqdarda pul vermələrinə baxmayaraq, avtomobillərin aldatma yolu ilə onlara təqdim edilmədiyini deyiblər.

Şikayətçilərdən P.Hüseynov bildirib ki, özünü banklardan birinin filial müdiri kimi təqdim etmiş Nihat Teyyubov Bəhruz Şahbazova satılmış avtomobili ona da sataraq 13 150 manat alıb.

Şikayətçilər qarşılaşdıqları hadisə ilə bağlı Səbail Rayon Polis İdarəsində Cinayət Məcəlləsinin 178.2.1, 178.2.2 və 178.2.4-cü (Qabaqcadan əlbir olan şəxslər tərəfindən, xeyli miqdarda ziyan vurmaqla dələduzluq etmə, təkrar dələduzluq etmə) maddələri ilə cinayət işinin açıldığını bildiriblər: 
“Etibar Aslanov məsuliyyətə cəlb edilsə də, bütün bu əməllərin əsas iştirakçısı və təşkilatçısı olan Nihat Teyyubov barəsində heç bir tədbir görülmür və onu cinayət məsuliyyətinə cəlb etmirlər. Həmçinin bizə vurulan zərərin miqdarı qanunla müəyyən edilmiş həddi keçdiyindən onlar barəsində daha ağır maddə - 178.3.2-ci, yəni külli miqdarda dələduzluq etmə maddəsi ilə cinayət açılmalıdır”.

Mövzu ilə bağlı Daxili İşlər Nazirliyinə ünvanlanan sorğuya cavab olaraq qurumun Mətbuat Xidmətinin əməkdaşı, polis baş leytenantı Nurlan Əliyev bildirib ki, vətəndaşların müraciəti əsasında açılmış cinayət işi üzrə istintaq tədbirləri davam etdirilir: 

“Ötən il dekabr ayında bir qrup vətəndaş polisə müraciət edərək avtomobil almaq məqsədilə Etibar adlı şəxsə müxtəlif məbləğlərdə külli miqdarda pul ödədiklərini, lakin həmin şəxs tərəfindən aldadılaraq pullarının ələ keçirildiyini bildiriblər. Müraciətlər əsasında Səbail RPİ-nin İstintaq şöbəsində araşdırma aparılaraq əməldə dələduzluq cinayətinin tərkib əlamətləri olması müəyyən edildiyindən faktlarla bağlı Cinayət Məcəlləsinin müvafiq maddələri ilə cinayət işi başlanılıb.

Polis əməkdaşları tərəfindən dələduzluq əməlini törətməkdə şübhəli bilinən Etibar Aslanov və Nihat Teyyubov saxlanılıblar. E.Aslanov barəsində həbs qətimkan, N.Teyyubov barəsində isə polisin nəzarəti altına vermə növündə qətimkan tədbiri seçilib.

Hazırda cinayət işi üzrə zəruri istintaq hərəkətləri davam etdirilir”.



Xəbərin oxunma sayı : 403




Hadisə

Xəbərlər

ARXİV
Əlaqə | Haqqımızda  
Buy website traffic cheap