Xezerxeber.az-ın məlumatına görə, naməlum şəxslər quldurluq yolu ilə ondan külli miqdarda pul alıblar. Hadisə ötən gün axşam saatlarında paytaxtın Nizami rayonu, Qara Qarayev prospektində- metronun ``Neftçilər`` stansiyası yaxınlığında baş verib.

Zərərçəkmiş 40 yaşlı Anar Mirzəyev ``102`` xidmətinə məlumat verib ki, işlədiyi valyutadəyişmə məntəqəsindən çıxıb evə gedərkən yolda ona hücum edilib.

Zərərçəkmiş torbada 81 min 750 manat pul olduğunu deyib.

Anar Mirzəyev quldurluq edən həmin şəxslərin üzlərini görmədiyini bildirib. Ehtimal var ki, cinayətkarlar valyutadəyişmə məntəqəsinin işçisini izləyərək onun iş qrafiki və hərəkət marşrutunu qabaqcadan müəyyən ediblər. Hazırda Nizami Rayon Polis İdarəsinin 24-cü polis şöbəsinin əməkdaşları şübhəlilərin şəxsiyyətinin müəyyən edilməsi və saxlanılması istiqamətində əməliyyat keçirirlər.

Faktla bağlı cinayət işi başlanıb.