Nə baş verdiyini araşdırmaq üçün “Azəriqaz” İB-in mətbuat xidməti ilə əlaqə saxladıq. Mətbuat xidmətinin rəhbəri İbrahim Kərbalayev virtualaz.org-a yaxın vaxtlarda qazın veriləcəyini bildirdi.

O, həmçinin sakinlərin 3 gündür qaz verilməsinin dayandırılması ilə bağlı şikayətlərinə şübhəylə yanaşdığını da dedi: "Mən özüm də Xətai rayonunda yaşayıram və sizi əmin edirəm ki, "Azəriqaz" qazın verilişini dayandırmayıb. Yalnız bu gün yerin altından çəkilmiş borularla bağlı problem yaranıb. İndi Məhəmməd Hadi küçəsində təmir işləri gedir. Təmir işləri qurtaran kimi bizim abunəçilərə qaz tam həcmdə veriləcək", - deyə İ.Kərbalayev bildirdi.

Qeyd edək ki, SOCAR şirkətinə məxsus "Azəriqaz" İstehsalat Birliyində 2 milyon 45 min abunəçi var.