Secki.net-ə daxil olan məlumata görə 93 saylı Bərdə şəhər dairəsindən namizədliyini müstəqil şəkildə irəli sürən bitərəf namizəd, “Fiber Karton” MMC-də icraçı direktoru Sadıxov Rövşən Əbülfəz oğluna Bərdə icra başçısı Vidadi İsayev gizli şəkildə dəstək verdiyi barədə məlumatlar yayılıb. Sosial şəbəkədə yayılan məlumatlara əsasən icra başçısı Vidadi İsayev Rövşən Sadıxovu gizli şəkildə dəstəkləməsi üçün namizəddən xeyli miqdarda “şirinlik” də alıb.

Belə ki, Rövşən Sadıxovun keçirtdiyi bir çox görüşlərdə kənd icra nümayəndələri və bələdiyyə üzvülərinin canfəşanlıq etməsi buna bariz nümunələrdən biridir.

Bərdə sakinlərinin iddiasına görə Vidadi İsayev icra strukturlarına gizli şəkildə Rövşən Sadıxova dəstək verməyi tapşırmaqla bərabər onlara xatırladıb ki, hər an hər şey dəyişə bilər, namizədi “yuxarılar” ciddi şəkildə dəstəkləyir.

Bərdənin rayon idarə və müəssisələrində dolaşan məlumatlara görə Rövşən Sadıxov 93 saylı Bərdə şəhər seçki dairəsinin gizli favoritidir.

Bərdəlilərə məxsus facebook səhifələrində isə bərdəlilər heç kəsin tanımadığı Rövşən Sadıxovun görüşlərinə birdən-birə xeyli vətəndaşın “təşrif” buyurması müəmamalı məsələ adlandırıblar.

Rövşən Sadıxov isə müxtəlif saytlara palaz-palaz müsahibələr verərək Bərdəlilərin əsl deputatı olacağı vədini verir…