Amerikanın birinci xanımı Melaniya Trampın daim günəş eynəyi taxması və “normal” görüntüsündən uzaq bir görüntü verməsi nəzəriyyələri artırıb. 

Musavat.com Türkiyə mətbuatına istinadən xəbər verir ki, prezident Donald Trampın qasırğa fəlakətinin yaşandığı Porto Rikoya etdiyi ziyarətində yanında olan qadının Melaniya Trampa bənzəmədiyi və dublyoru olduğu iddia edilir. 

ABŞ prezidentinin həmin səfər zamanı qurduğu cümlə isə xüsusən diqqət çəkib: “Mənimlə birlikdə bura gələn həyat yoldaşım Melaniya Tramp....”la başlayan cümlə bunu eşidənlərdə qəribə hisslər yaradıb. 

Belə ki, bu təqdimat həyat yoldaşı yanında olmasına baxmayaraq, özü ilə birlikdə Porto Rikoya gedən, amma yanında olmayan bir insandan danışırmış kimi cümlə qurması təəssüratını yaradıb və bu, nəzəriyyəni sevən insanların əlinə silah verib. Bir çox adam bu nitqdən sonra belə fikri yaymağa başlayıb ki, prezident Melaniya Trampın yanında olduğunu desə də, əslində qurduğu bu məntiqsiz cümlə ilə onun başqa bir yerdə olduğunu təsdiqləyir. 

Birinci ledinin fotolarını yayan bəzi qəzetlər isə eyni zamanda maraqlı paralellər aparıblar: Melaniya ilə son səfərində prezidentin yanında görüntüləndikləri qadın arasında xeyli fərqli cəhətlər olduğunu yazan media orqanları bununla da birinci ledinin dublyordan istifadə etdiyini təsdiqləməyə çalışıblar.