Qol.az-ın klubun rəsmi “Feysbuk” səhifəsinə istinadən yaydığı xəbərə görə, Ağdam təmsilçisi Bolqarıstan millisi və “Sportinq”in yarımmüdafiəçisi Simon Slavçevi heyətinə qatıb. Ancaq 24 yaşlı futbolçu ilə bağlanmış müqavilənin detalları barədə məlumat verilməyib.

Qeyd edək ki, son 2,5 ili icarə əsasında fərqli klublarda keçirən Slavçevin son komandası “Lexiya” (Qdansk) olub.

Xatırladaq ki, "Qarabağ" Slavçevdən öncə Filip Ozobiç, Rahil Məmmədov, Abdulla Zubir və Hannes Halldorssonu transfer edib.