AzFakt.com xəbər verir ki, sənətçi Buzovna kəndindəki villasından Xəzər dənizinə açılan möhtəşəm mənzərəni lentə alaraq, sosial media hesabında yayımlayıb və bu sözləri qeyd edib:

“Gözəl kəndimiz Buzovna. İnternetdə üzdəniraq elə insanlar gördük ki… Bu yaxınlarda mənə bir video göndəriblər. Bir kişi qadınlar kimi dedi-qodu edir, şər-böhtan atır. Videoda o deyir ki, guya məni Bilgəhdəki bağdan götürürmüş. Görünür ki, o insanın Bakının 32 kəndi haqqında anlayışı yoxdur. Bilgəh ilə Buzovna başqa yerdir. Bizim Bilgəhdə heç vaxt evimiz və bağımız olmayıb.

Bunu ona görə deyirəm ki, yalançı hekayələri danışanda həqiqəti biləsiniz. O biri deyir ki, bunlar beş-altı bacı idilər. Biz dörd bacıyıq. O dəqiqə bilinir ki, qondarma hekayələr danışırlar.

Biri də deyir ki, guya məni kimsə Xalq artisti edib. Bu adı almağa görə, guya mən kiminləsə görüşmüşəm.  

İstedadım olmasaydı, peşəkar musiqiçilər yetişdirməsəydim, sənətdə yeni səhifə açmasaydım, əmim Məlik Dadaşov - “Xalq artisti”, “Şöhrət” ordeni olan insan heç olmasa, mənə fəxri ad verdirərdi. Xalq artisti adına səhnəyə çıxandan 23 il sonra layiq görülmüşəm.

Əziz dostlar, əfsuslar olsun ki, onlar ana dilimizdə danışırlar. Ən qorxulusu budur. Bir ananın dünyaya gətirdiyi insandır. Heyif o ananın südündən”.