Onun sözlərinə görə, yeni tikilən yaşayış evlərinin təmiri də yekunlaşıb və hazırda son tamamlama işləri görülür: “Çox xırda işlər qalıb. Bunlar da çılçıraqların və digər əşyaların quraşdırılmasıdır. Bundan başqa evlərin və həyətyanı sahələrin çəpərlənməsi də bitmək üzrədir”.

R.Əliyev əlavə edib ki, kəndə kommunal xətlərin çəkilməsi işləri də qısa müddətdə başa çatacaq: “Kəndarası işıq, su, qaz və telekommunikasiya xətlərinin çəkilişində son tamamlama işləri görülür. Kəndin məktəb binasının və məscidin tikintisi başa çatıb. Hazırda istilik sistemlərinin quraşdırılması aparılır. Evlərə verilən elektrik enerjisində fasilə yaranmaması üçün Cocuq Mərcanlıda yarımstansiya tikilir, elektrik xətləri kabel sistemi ilə çəkilir”.

Cocuq Mərcanlı kəndində ilkin mərhələdə 50 ev, bir məktəb binası və məscid tikilib. (Report)

<iframe width="620" height="349" src="https://www.youtube.com/embed/0UiZca1848o" frameborder="0" allowfullscreen></iframe>