Təbii dodaqlarına görə özünə güvəni zəif olduğundan müxtəlif kremlər istifadə etdiyini etiraf edən Cenner 2015-ci ildə "Kylie Cosmetics" brendini bazara çıxarıb. Təəccüblü bir şəkildə internet üzərindən onun məhsullarına tələb digər ənənəvi kosmetika məhsulları ilə müqayisədə daha çox olur. Hətta qısa zamanda o qədər məşhurlaşır ki, məhsullar bitir. Çünki Kayli Cennerin özü də sosial şəbəkə fenomeni idi. 18-34 yaş aralığında olan 128 milyon "Instagram" izləyicisi şirkətin əsas hədəf auditoriyası olur.

"Forbes" ötən il yayımladığı xəbərdə şirkətin gəliri ilə müqayisədə xərclərinin çox az olduğunu yazıb. Bunun səbəbi isə satışların onlayn aparılmasıdır. Çatdırılma işləri isə kuryerlər vasitəsilə həll olunur. Cennerin özü sosial şəbəkə fenomeni olduğundan marketinq xərcləri də çox az miqdardadır.

Anası Kris Cenner isə şirkətin meneceri olaraq uşaqlarının maliyyə işlərinə nəzarət edir və bu şəkildə ailəsinin milyon dollarlıq bir imperatorluğa çevrilməsini təmin edir. Bunun qarşılığında satışlardan 10 faiz pay alan Kris Cenner maliyyə işlərindən ictimaiyyətlə əlaqələrə kimi bir çox vəzifələri yerinə yetirir. Kaylinin məhsullarının belə qısa zamanda satılmasını görən anası bu sahədə yaxşı iş fürsətləri olduğunu anlayır. "Shopify" adlı platforma quran Kris Cenner "Kylie Cosmetics" məhsullarının daha geniş auditoriyada satış aparmasını təmin edir.

"Forbes" dərgisinin Kayli Cenneri gənc yaşda öz gücü hesabına milyarder olması kimi təqdim etməsi sosial şəbəkələrdə fərqli fikirlərin irəli sürülməsinə səbəb olub.

Çox sayda istifadəçi Cennerin onsuz da varlı olduğunu söyləyərək, "öz gücü hesabına milyarder olduğu" açıqlamasına qarşı çıxıblar. 

Qeyd edək ki, zadəganlıqları ilə məşhur olan Cenner ailəsi 10 ildir populyar mədəniyyətin işıqları altındadırlar və Kayli 10 yaşından bəri televiziyalara dəvət olunur. O, Kurtni Kardaşyan, Kim Kardaşyan, Kloe Kardaşyan və Rob Kardaşyanın ögey, Kendall Cennerin doğma bacısıdır.