Bütün müsəlman dünyasını vəhşət bürüyüb, böyük bir hissəsi od içindədir, qan içində çalxalanır!!! Müsəlman müsəlmanı qırır. Biri şiədir, o biri sünni, o biri sələfi, digəri vəhabi, başqa birisi də işidçi, nurçu və sairə....Görün nə gündəyik. Budur, müsəlman dünyasının sifəti!!! Hamısı da "Allahu Əkbər” deyir!!! Hər biri də özünü haqlı sayır. 

Cəhalət bürüyüb müsəlman dünyasını... Avropanın orta əsrlər dövrünü yaşayır müsəlman dünyası... O zaman Avropada belə vəziyyət var idi: katolik, protestant, provaslav və sairə... Qırırdılar bir-birlərini.... Varfolemey gecələri və sairə.... Avropa indi özünün cənnət günlərini yaşayır....

 İnsan haqları ən yüksək səviyyədə qorunur. İnsana yüksək varlıq kimi baxılır....İnsanlar hamısı ora getmək istəyir.... Həmçinin ABŞ-a... Çünki yaxşı həyat vardır. Əslində, oralarda təmin olunan həyat səmavi kitablarda təsvir olunan həyatdır. Sosial həyat....İnsanların yaşayışını və təminatını ödəyən sosial həyat. Oralarda insanlara bacarığına görə üstünlük verirlər. Oralarda Obama adına universitetlər yoxdur. Oralarda Tetçer adına, Çerçill adına fondlar da yoxdur. Heç Vaşinqton adına da fondlar yoxdur. Oralarda iş yerlərində, təhsil ocaqlarında kimlərinsə də şəkilləri də yoxdur. İnsan orada özünü insan hesab edir. Bəs müsəlman dünyası???? Bu dünyada sanki orta əsrlərdir.... Təfəkkür tərzi inkişaf edə bilmir. Traybolizm üstünlük təşkil edir. Biz yalnız bir şeylə fəxr edirik: Bizim imperiylarımız olubdur. Bəz Avropanın olmayıbdır? Hara getdi Bizans imperiyası? Min il ömür sürdü. Bəs Roma imperiyası??? Bəs Makedoniya??? Bəs Habsburqlar? İspanlar? Napoleon Fransası? Demək, bununla fəxr etmək düzgün deyildir. Gəlin biz deyək ki, vaxtilə bizdə ən ali demokratiya olubdur. Qədim Türklər dünyaya demokratiya təcrübəsini keçiblər. Onların yaratdıqları dövlətlərdə qoyunla canavar yanaşı yaşayıbdır. İnsanlar bolluq içərisində ömür sürüblər. Bunuları musal gətirək. Axı tarix həm də nəticədir. 

O zaman Avropada isə qanunlar işləmirdi. Düşünən beyinləri tonqalda yandırırdılar. İndi isə tərsinədir. Sivilizasıyanın mərkəzi, demokratiyanın mərkəzi Avropadır. Avropada qanuna hörmət bir namus məsələsidir. Bu gün hamımız Avropa demokratiyasını arzulayırıq. Amma bir zaman bizim özümüzdə olub bu demokratiya.... İndi bizdən uzaqdır. İndi Şərqdə qanlar tökülür: şiə sünini, sünni şiəni, vəhabi, sələfi, işid şiəni və s....qırırlar bir-birlərini... 

P.S. Bütün müsəlman dünyasında "Azan” verilir. Hamı namaza qaçır. Görəsən o namazın mənasını dərindən anlayırlarmı? Hesab edirəm ki, anlamırlar. Anlasaydılar müsəlman dünyası bu günə düşməzdi...