Dünyanın ən gözəl qadınının adı açıqlanıb - FOTOLAR Türkan dəyişib belə oldu - FOTO Küsülü olan azərbaycanlı məşhurlar - SİYAHI Xatirə qırmızıya büründü - Fotolar
Axtar
 
  • / Maqazin / — 10 Mart 2024

    Dünyanın ən gözəl qadınının adı açıqlanıb - FOTOLAR

  • / Maqazin / — 09 Mart 2024

    Türkan dəyişib belə oldu - FOTO

  • / Maqazin / — 07 Mart 2024

    Küsülü olan azərbaycanlı məşhurlar - SİYAHI

  • / Maqazin / — 05 Mart 2024

    Xatirə qırmızıya büründü - Fotolar

  • / Maqazin / — 18 Fevral 2024

    “Məni bəyənməyənlər zövqsüzdür...” - Nura Suri

  • / Maqazin / — 17 Fevral 2024

    “Həbsxanada yataram, üzr istəmərəm” - VİDEO

Daha bir şəhid ailəsini məhkəməyə verdilər

Tarix 26.06.17, 0:53

Font ölçüsü : - / +
bitmap-img6


"Azərbaycan bankları şəhidlərə, əlillərə və müharibə iştirakçılarına hörmət etməyi dayandırıb. Şəxsən mən bununla daim rastlaşıram. “Para" BOKT ASC-nin Aprel şəhidi Xaliq Əzizzadəni kreditə görə məhkəməyə verməsi ilə bağlı məsələ təzəcə həll olumuşdu ki, başqa bir maliyyə qurumu digər bir şəhid ailəsini məhkəməyə verib. Bank of Baku-nun Simuzər Ağakişiyevaya qarşı iddiası üzrə məhkəmənin iclası artıq bazar ertəsi, iyunun 26-da keçiriləcək. Halbuki o dörd uşaq anası və dul şəhid qadınıdır". Bunu virtualaz.org-a hərbi ekspert, Qarabağ müharibəsi veteranı, polkovnik-leytenant Əbuzər Əbilov deyib

Xatırladaq ki, daha əvvəl Azərbaycanın birinci vitse-prezidenti Mehriban Əliyevanın müdaxiləsindən sonra qeyri-bank kredit təşkilatı “Para" ASC-nin şəhidə qarşı iddiası geri çağırılmışdı.

"Və budur, indi Bank of Baku Qarabağ müharibəsinin iştirakçısını məhkəməyə verib. Simuzər Ağakişiyeva 1992-ci ildə cəbhəyə getmişdi, indi bank onunla- dörd uşaq anası, şəhid arvadı ilə məhkəmə çəkişməsi aparır və artıq ödənmiş kredit üzrə onu yeni ödəməyə məcbur etməyə çalışır", - Ə.Əbilov bildirib.

Onun sözlərinə görə, prezident İlham Əliyevin özəl və dövlət strukturlarına veteranlara, əlillərə, həmçinin Qarabağ müharibəsində öz yaxınlarlarını itirmiş ailələrin üzvlərinə kömək göstərmələri ilə bağlı konkret tapşırığı var. "Belə təəssürat yaranır ki, banklar hakimiyyəti tanımır və prezidentin tapşırığına məhəl qoymurlar", - ekspert vurğulayıb.

Polkovnik-leytenant deyib ki, o özü də maliyyə müəssisələrinə aid olan problemlərlə rastlaşır: "Mən kiçik kredit üzrə ödəniş edirəm: pensiyanı alır və ödəmələrimi edirəm. Bəzən pensiyanın alınmasında kiçik, məsələn iki günlük, ləngimələr olur. Bank dərhal cərimələr əlavə edir. Bundan başqa, kollektorlar zəng vurur, pul tələb edirlər. Halbuki kreditin ödənməsi şərtlərini necəsə yüngülləşdirməyə söz vermişdilər, amma... "otkat" müqabilində. Yəni onlarda hər şey pula söykənir".

"Biz, Qarabağ müharibəsi veteranları sosial şəbəkələrdə aktivik, bizim öz qruplarımız var. Biz hamınız istənilən vaxt ölkənin çağırışı və ürəyimizin səsi ilə cəbhəyə yola düşməyə hazır olan vətənpərvərlərik. Və biz haqsızlığa, eləcə də Azərbaycan banklarının prezident İlham Əliyevin tapşırıqlarına ən azı məhəl qoymamalarına qarşıyıq. Biz dövlət başçısına, birinci vitse-prezidentə, Milli Məclisin deputatlarına müraciət hazırlayır və orada dövlət başçısının tapşırıqlarına açıq etinasızlıq bəsnəlidiyi barədə faktları göstərmək istəyirik", - Ə.Əbilov sonda qeyd edib.



Xəbərin oxunma sayı : 256




Sosial

Xəbərlər

ARXİV
Əlaqə | Haqqımızda  
Buy website traffic cheap