Tramp Seşnsın ona qarşı doğru hərəkət etmədiyini deyib. “Necə ola bilər ki, işə təyin edirsən və sonra araşdırmadan imtina edir. Əgər o, desəydi ki, mən bu işlə məşğul olmayacam, heç vaxt onu təyin etməzdim” – Tramp bəyan edib.

Trampın Seşnsla arası son aylar soyuqdur. O, Seşnsın seçki kampaniyası zamanı Rusiya səfiri ilə görüşməsini Senatın araşdırma komitəsinə ifadəsində gizlətdiyini tənqid edib. Sonradan məlum olub ki, Seşns iki dəfə səfir Kişlyakla görüşübmüş.

Donald Tramp bu barədə danışarkən Seşnsın pis cavablar verdiyini qeyd edib. Ədliyyə Departamenti CNN-nə prezidentin Seşns haqqında dedikləri barədə bir şərh verməyib. Lakin yaxın mənbələr bildirir ki, Seşnsın istefa vermək fikri yoxdur.

ABŞ prezidenti Ədliyyə Departamentinin Rusiya araşdırması ilə bağlı onu da qeyd edib ki, istintaq maraqlar toqquşması ucbatından qərəzsiz aparılmır. Baş prokuror müavini Rod Rosensteyn keçmiş FTB direktoru Robert Mulleri istintaqı aparması üçün xüsusi konsul təyin etdi.

Tramp Mullerin onun ailəsinin maddi vəziyyətini araşdırma qərarının səhv olduğunu müdafiə edib. “Bu bir şiddətdir. Baxın, istintaq Rusiya haqqındadır” - Tramp qeyd edib.

CNN-nə bu barədə danışan mənbə bildirib ki, Mullerin komandası Donald Trampın oğlu cunior (kiçik) Donald, Ceyerd Kuşner və kampanyanın keçmiş başqanı Pol Manafortun Rusiya hüquqşünası ilə “Tramp Tower”da 2016-cı ilin iyunda görüşməsini araşdıracaq. Eyni zamanda FTB də kiçik Donaldın biznes anlaşmaları və görüşmələrini araşdıracaq.

Bundan əlavə Tramp G-20 sammitində Putinlə ikinci dəfə görüşməsindən də bəhs edib.

“Bu, uzun görüşmə olmadı, maksimum 15 dəqiqəlik görüşmə idi, lakin maraqlı idi” – Tramp deyib.

CNN isə Trampın Putinlə görüşməsinin 15 dəqiqə deyil, bir saata yaxın yazır. “Washington Post” bir ay bundan əvvəl yazmışdı ki, Muller Trampın istintaqa müdaxilə edib-etmədiyini araşdırır.

Tramp onun haqqında araşdırma getdiyini düşünmür. Tramp Komiyə Maykl Flinin Rusiya səfiri ilə görüşdüyü üçün araşdırma aparmağı dayandırmasını istədiyindən də bəhs edib. “Mən heç xatırlamıram ki, onunla nə danışmışam. Kominin ifadəsi başdan-ayağa yalandır” – Tramp qeyd edib. Tramp FTB direkrotu Ceyms Kominin işdən çıxarması ilə Amerika xalqına böyük yaxşılıq etdiyini deyib.