"Report"un xəbərinə görə, cinayət işinə hakim Ramella Allahverdiyevanın sədrliyi ilə baxılır.

Prosesdə ifadə verən Mehdi Abdullayev şöbədə baş məsləhətçi işlədiyini deyib. O, özünü təqsirli bilmədiyini və ittihamın əsassız olduğunu söyləyib: "Rüşvət aldığım iddia olunan Teymur Aslanovu tanımıram və onu istintaqda görmüşəm. Onunla görüşməyimi və rüşvət aldığımı sübut edən fakt yoxdur. O da digər vətəndaşlar kimi nazirliyə müraciət edib, müraciəti də aidiyyəti üzrə baxılıb".

M.Allahverdiyev T.Aslanovun qərəzli şəkildə belə bir ifadə verdiyini vurğulayıb. Ancaq yük maşınının sürücüsü olan Teymur Aslanovla arasında hansı qərəzin olması ilə bağlı suala aydınlıq gətirə bilməyib və söyləyib ki, bu, başqa şəxslər arasında olan mübahisənin nəticəsidir.

Qeyd edək ki, cinayət işinin başlanmasına səbəb Beyləqan meşəbəyiliyinin 2 saylı meşə dolayının torpaq sahəsinin ayrılması üçün pul alınması ilə bağlıdır. Təqsirləndirilən şəxslərin zərərçəkmiş Teymur Aslanovadan 10 min manat rüşvət aldığı bildirilir. Onlara Cinayət Məcəlləsinin 311.3.3-cü (külli miqdarda rüşvət alma) maddəsi ilə ittiham irəli sürülüb.