AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Eldar Həsənovun qardaşı ölkədən qaçdı – Təfərrüat


Tarix 03.11.19, 23:08	Font ölçüsü : - / +

Özünü DTX polkovniki, general kimi təqdim edərək, baş həkimdən və digər şəxslərdən külli miqdarda pul alan dəstə növbəti dəfə hakim qarşısına çıxarılıb. Bakı Ağır Cinayətlər Məhkəməsində hədə-qorxu ilə pul tələb etməkdə ittiham edilən 1961-ci il təvəllüdlü Əliyev Rövşən Soltan oğlu, 1968-ci il təvəllüdlü Çobanov Hətəmxan Bədirxan oğlu və 1978-ci il təvəllüdlü Elxan Hümbətovun cinayət işi üzrə məhkəmə iclası keçirilib.

AzFakt.com Musavat.com-a istinadən xəbər verir ki, hakim Samir Əliyevin sədrliyi ilə keçirilən məhkəmə iclasında bu işdə adı keçən əsas şəxslərdən biri olan Ələkbər Həsənovun və oğlunun məhkəməyə gəlmədiyi məlum olub. Onun barəsində ötən məhkəmə iclasında məcburi gətirilmə qərarı çıxarılmışdı. Lakin elan olunub ki, Ələkbər Həsənov ölkə xaricindədir.

Bu işdə adı dəfələrlə hallanan, "Nüfuzlu Həsənovlardandır", "Hörmətli Ələkbər müəllim" kimi təqdim edilən Ələkbər Həsənov kimdir?

Sayt Ələkbər Həsənovun kimliyi ilə bağlı məlumatlar əldə edib. Məlum olub ki, Ələkbər Həsənov sabiq baş prokuror, hazırda Azərbaycanın Serbiya Respublikasında, Monteneqroda və Bosniya və Herseqovinada fövqəladə və səlahiyyətli səfiri Eldar Həsənovun qardaşıdır.

Ələkbər Həsənov əvvəllər Daxili İşlər Nazirliyinin Narkobiznes İdarəsində işləyib. Sonuncu iş yeri isə Vergilər Nazirliyinin Audit Departamentində olub. Onun barəsində mətbuatda xeyli sayda qalmaqallı məlumatlar dərc edilib.

Ələkbər Həsənov həbs edilən şəxslərdən Elxan Hümbətovun dayısıdır. Elə Ələkbər Həsənovun vasitəsi ilə baş həkim Mübariz Zeynalov Qusardan Sumqayıta baş həkim göndəriləcəkmiş. 125 min manat da məhz bunun üçün baş həkimdən alınıb.

Bu işdə ilginc məqamlardan biri də budur ki, zərərçəkmiş Mübariz Zeynalova pulu elə Ələkbər Həsənov qaytarıb. Bunu baş həkim Mübariz Zeynalov ötən məhkəmə iclaslarında etiraf etmişdi. Demişdi ki, Ələkbər Həsənovun adamı pulları ona qaytarıb. Amma konkret olaraq, ad çəkməmişdi.

Elxan Hümbətovun məhkəmə proseslərində iştirak edən qohumları bu işdə əsas günahkarın Ələkbər Həsənov olduğunu deyirlər. Onlar mütləq şəkildə Ələkbər Həsənovun məhkəmədə dindirilməsini tələb edirlər. Amma görünən budur ki, Ələkbər Həsənov ölkədən qaçıb.

Baş həkim Mübariz Zeynalov da artıq iki məhkəmə iclasına gəlməyib. Hakim bildirib ki, zərərçəkmiş heç bir səbəb göstərmədən məhkəmənin çağırışına məhəl qoymur.

Prosesin davamında məhkəmə istintaqının başa çatdığı elan edilib. Prokuror çıxış üçün məhkəmədən vaxt istəyib. Növbəti iclasda prokuror təqsirləndirilən şəxslərə cəza istəyəcək.

Bu işdə mübahisəli məqam baş həkimdən pulun neçə alınmasıdır. Təqsirləndirilən şəxslər deyirlər ki, baş həkim Sumqayıta baş həkim getmək üçün bu qədər pul verib. Amma baş həkim Mübariz Zeynalov isə deyir ki, onu flaş kartla hədələyərək, bu qədər pul alıblar. Baş həkim deyib ki, həmin flaş kartda ailəsi və özü ilə bağlı videogörüntülərin, şəxsi məlumatların olduğu deyilib.

Xatırladaq ki, Rövşən Əliyev bir neçə gün əvvəl Bakıda həbs edilən "generallar"dan olub. Belə ki, əvvəllər dəfələrlə məhkum olunmuş paytaxt sakini Firdovsi Ələkbərov da general formasında özünü İnsan Hüquqlarının Müdafiəsi üzrə Beynəlxalq Komitə adlı (İnternational Human Rights Defence Committee) beynəlxalq təşkilatın Paris Departamentinin Mərkəzi Asiya Layihəsi üzrə rəhbəri kimi təqdim edib, təşkilat tərəfindən ona general rütbəsi verildiyini deyərək, insanları buna inandırmışdı.

Daha sonra o, ayrı-ayrı zərərçəkənləri təşkilatın Azərbaycan nümayəndəliyində rəhbər vəzifələrə təyin etdirəcəyini, onlara general, polkovnik və digər rütbələr, həmçinin diplomatik pasport, eləcə də təşkilatın nişanının veriləcəyini deyərək, aldadıb pullarını almışdı. Bundan sonra eyni əməllərlə vətəndaşları aldadan iki general da həbs edilmişdi.

Məlumata görə, "general Rövşən Əliyev" daha əvvəllər "Koroğlu" ləqəbi ilə tanınıb. O, daha əvvəl də dələduzluğa görə məhkumluq həyatı yaşayıb.

Qeyd edək ki, təqsirləndirilən şəxslərə qarşı qabaqcadan əlbir olan bir qrup şəxs halında hədə-qorxu ilə pul tələb etmək ittihamı irəli sürülüb. Bu iş üzrə ümumilikdə 3 nəfər zərərçəkmiş var. Onlardan biri də keçmiş məktəb direktorudur. Zərərçəkmişlər təqsirləndirilən şəxslərlə barışıblar. Baş həkim və digərlərinə dəymiş zərər ödənilib.

Mənə:Musavat.com

Xəbərin oxunma sayı : 598