AzFakt.com bildirir ki, bu barədə supersport.az saytı xəbər yayıb.

Qeyd olunub ki, fanatlar qarşılaşmaya daxil olmaq istəyərkən əllərində AXC qurucularının, həmçinin yubileyə həsr olunan şəkillər olub. Polislər azarkeşlərin pankartı stadiona aparmasına imkan vermədiyi üçün qalmaqal baş verib. 

Hüquq-mühafizə orqanları əməkdaşları fanatlara fiziki güc tətbiq edib və "Cümhuriyyət Quran Kişilərin Nəvələriyik!” şüarına görə azarkeşlər həbs olunub.

Onu da qeyd edək ki, bir müddət əvvəl Gəncənin deputatı, son illər icra başçısı Elmar Vəliyevin əsas adamlarından birinə çevrilən və buna qədər faktiki tez-tez Azərbaycan siyasətinə müdaxilə edən Rusiyanın istefada olan generalı İlqar Qasımovun sayəsində ulduzları parlamış Naqif Həmzəyev də Rəsulzadəni aşağılayan açıqlama vermişdi. 

Bundan başqa, Gəncədə Rəsulzadənin büstünə olan mənfi münasibəti də yəqin oxucular unutmayıb...