Sport7.az xəbər verir ki, ölkə futbolunu ağlar günə qoyan Elxan Məmmədovun qruplaşmasının hər yoldan keçənə Azərbaycan pasportu verib milliləşdiridiyindən hamı xəbərdardı. Yerli futbolçuların inkişafının qarşısına alan, əvəzində heç onların butslarına dəyməyən dağıstanlı, iranlı, israilli futbolçuları milliləşdirən qurum bir zamanlar Murseloviçə də Azərbaycan pasportu verib (adı və soyadı Məhəmməd Mürsəlov idi), onu millimizə sırımışdı. 

 

Ancaq bu yaxınlarda, şəkildə gördüyünüz həmin futbolçunun Ermənistan təmsilçisi "Pünik"lə müqavilə imzaladığı məlum olub. Klubun rəsmi saytında futbolçu ilə müqavilə bağlandığı haqda məlumat yer alıb.

 

Vaxtilə millimizə çağrılmasına baxmayaraq o, Azərbaycana, burdan qazandığı pullara, millimizin formasına, o formanın üzərində yer alan bayrağımıza heç bir dəyər vermədiyini göstərməklə yanaşı, bu addımı ilə AFFA-nı da futbol ictimaiyyəti qarşısında rəzil etmiş oldu. 

 

AFFA bu yaxınlarda israilli olan "Sumqayıt"ın sabiq futbolçusu Əmir Ağayevi də milliləşdirmək niyyətindədi. Hansı ki, Ağayev özü açıqlamasında "damarında israilli qanı axdığını" deməklə mövqeyini ortaya qoymuşdu.