Kəlpeysər əmilər onları sıraya düzüb, əllərinə “Kalaşnikov” avtomatı verib, şəkilə çəkdiriblər. Bəzilər sevinir, bəziləri də doluxsunub. Onlara belə oyuncaqlar lazım deyil.

İndi ermənilər bununla nə demək istəyirlər? Döyüş ruhu qaldırırlar? Körpə qızların avtomatlı şəkillərini paylaşıb, ordudan yayınan, özlərinə “koronavirus xəstəsi” kağızı düzəldən minlərlə canataraq gədəni qeyrətə gətirmək istəyirlər?

Elədirsə, havayı zəhmətdir. Bu şəklə baxanlar ilk növbədə onu düşünəcək ki, ermənilər teatr çıxardırlar, qızcığazlardan süni rəylər yaratmaq üçün, piar məqsədilə istifadə edirlər.

Heç bu mənzərəni paylaşmaqda normal məntiq də yoxdur. Bu acizliyin göstəricisidir. Özləri gün axşama qədər “xüsusi təyinatlılar”, “muzdlular” adı qoyduqları döyüşçülərimizin qarşısına bu balaca axçiklərlə çıxacaqlarsa, uduzan tərəfin kim olacağını proqnozlaşdırmaq çətin deyil. 

Allah onlara ağıl-fikir versin, döyüş meydanında ard-arda məğlubiyyətə uğradıqlar kimi, informasiya savaşında da, piarda da uduza-uduza gedirlər, xəbərləri yoxdur.

Musavat.com