AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Falçı məşhur məmurun arvadını necə aldadıb? – İnanılmaz fılrıldaq


Tarix 29.12.19, 13:25	Font ölçüsü : - / +

Fala baxmaq adı ilə vətəndaşların külli miqdarda pulunu dələduzluq yolu ilə ələ keçirməkdə ittiham edilən ana və oğlu növbəti dəfə hakim qarşısına çıxarılıb.

AzFakt.com Musavat.com-a isstinadən xəbər verir ki, Bakı Ağır Cinayətlər Məhkəməsində dələduzluqda təqsirli bilinən Lalə İbrahimova və oğlu Hüseyn Əlizadənin cinayət işi üzrə məhkəmə iclası davam etdirilib.

Hakim Novruz Kərimovun sədrliyi ilə keçirilən məhkəmə iclasında təqsirləndirilən Hüseyn Əlizadə ifadə verib. O, hakimin suallarına cavabında deyib ki, heç bir şəxsdən pul almayıb və falçılıqla bağlı deyilənlər əsassızdır. Hüseyn əsas zərərçəkmiş kimi tanınan Rübabə Ağayeva haqda danışıb.

Deyib ki, Rübabə Ağayevanı anası vasitəsi ilə tanıyıb: "Mən həmin ərəfədə ev tikdirirdim. Pulum qurtardığı üçün alış-veriş məqsədi ilə aldığım qızılları satışa çıxardım. Rübabə dedi ki, qızılları ona verim. Hissə-hissə ödəniş edəcəyini dedi. Əvvəlcə 2 min manat ödədi. Demək istədiyim budur ki, onun bizə borcu var. Bizim "İçərişəhər"də geyim mağazamız var. Rübabə dəfələrlə bizə gəlinin köhnə paltarlarını gətirib. Deyirdi ki, onları satıb borcundan çıxaq. Həmin paltarlardan biri də orada idi. Hətta Rübabə barəsində 41-ci Polis Bölməsində 178.3.2-ci maddəsi ilə cinayət işi açılmışdı. Amma sonradan iş dəyişdi. Onların əvəzinə bizi tutdular.

Digər zərərçəkmiş Qızxanım Əliyeva bizdən dəfərlə qızıl alıb-satıb. Hətta onun qızı da bizə gəlib-gedirdi. Kartla ödəniş də edib. Yəni, kartdan pul çıxarıb bizə verirdi. Mən fala baxırdımsa, ödənişi kartla edirdi? Qızxanım anama dedi ki, qızıl alveri ilə məşğul olmaq istəyir. Anamdan külli miqdarda qızıl istədi. Amma anam dedi ki, qızıl verə bilməz. Lakin anam Qızxanıma dedi ki, onu Türkiyədə qızıl aldığı şəxslə tanış edə bilər. Qızxanım əri və qızı ilə Türkiyəyə getdi. Həmin ərəfədə Rübabə bizə gəldi. Dedi ki, Qızxanıma qızıl vermə, onun ərini tutacaqlar".

Məhkəmədə məlum olub ki, zərərçəkmiş Qızxanım Əliyeva "Aztelekom” İstehsal Birliyinin sabiq baş direktoru, "Rabitə işi" çərçivəsində başlayan əməliyyatlar zamanı həbs edilən Məhəmməd Məmmədovun xanımdır.

Məhəmməd Məmmədov dövlətə 4 milyon 400 min manat zərər vurmaqda ittiham edilərək 2015-ci ildə Rabitə və yüksək Texnologiyalar Nazirliyinin vəzifəli şəxsləri ilə birlikdə həbs edikmişdi. Məmmədov həbs edildikdən sonra dövlətə vurduğu zərəri ödəmişdi.

İttihama görə, Qızxanım Əliyeva ana və oğlunun yanına gedərək fala basdırmaq istəyib. Bu zaman ana və oğlu onu aldadaraq qızıllarını ələ keçiriblər.

Hüseyn ifadəsinin davamında digər zərərçəkmişlərlə bağlı da danışıb: "Bu işdə yalandan zərərçəkmiş kimi tanınan Namədi də uşaqlıqdan tanıyıram. Naməd əvvəl anamla alver edirdi. Sonra anamı aldatdı, biz nə qədər zərərə düşdük. Digər zərərçəkmişləri tanımıram. Onlar Namədin və Rübabənin dəstələridir. Mən heç kimdən pul almamışm. Deyirlər ki, Hüseyn fala baxandır. Necə olur ki, Rübabə və Namədin adamlarından başqa heç bir şəxsin falına baxmamışam?".

Falçılıq ittihamı haqda danışan Hüseyn bunları deyib: "Deyirlər ki, evimizdən Quran və mərsiyyələr yazılan kitablar çıxıb. Mənim indi yatdığım Kürdəxanıda hər kamerada Quran kitabı var. İndi ordakılar da falçıdır? Mən mərsiyyələr olan kitabı almışam. Bu kitab satışdadır. Mən kitab yazmamışam ki... Evimizdən 3 qıfıl tapıblar. Mənim evimin həyətində 3 toyuq hini var. Həmin qızılları götürüb qoyublar cinayət işinə. Evimizdən dini sözlər yazılmış dualar çıxıb. Onu da bibim nəvəsi üçün yazdırmışdı".

Məhkəmə iclasında yenə də gərginlik yaşanıb. Həbs edilən ana və oğlu ilə zərərçəkmişlər Rübabə Ağayeva və Qızxanım Əliyeva arasında mübahisə yaranıb. Tərəflər bir-birlərini yalan danışmaqda ittiham edərək təhqir ediblər.

Hüseyn ifadəsinə əlavə edib ki, Rübabə Ağayeva və Qızxanım Əliyeva onun anası ilə şəklini sosial şəbəkələrdə paylaşıblar: "Bizi falçı kimi təqdim edirdilər. Guya ceyran göbəyi ilə fala baxırmışıq. Guya məşhur falçılar imişik".

Məhkəmə araşdırması davam etdirilir.

Bu işdəki 14 zərərçəkənə ümumilikdə təxminən 600 min manat ziyan dəydiyi bildirilir. İttihamda yazılıb ki, təkcə Rübabə Ağayeva cadu çıxarmaq, mal-mülkü cadudan təmizləməkdən ötrü 216 min 850 manatlıq pul, qızıl-zinət əşyaları verib. Pulların bir hissəsi xarici valyutada olub: 57 min dollar, 15 min funt-sterlinq. Qızılların çəkisi isə təxminən 600 qram olub.

R.Ağayevanın həyat yoldaşı L.İbrahimova və H.Əlizadədən polisə şikayət edib. Həyat yoldaşı "Azinko" şirkətinin Audit Departamentinin rəhbəridir.

Məlumata görə, "Cindar Hüseyn"in müştəriləri arasında deputatlar və ayrı-ayrı vəzifəli şəxslər də olub. O, cinlərə qonaqlıq vermək, caduları pozmaq adı ilə xeyli insanı aldadıb.

İş üzrə ümumilikdə 13 nəfər zərərçəkmiş var. Onların bəziləri qızıl alveri etmək məqsədi ilə Lalə İbrahimova ilə tanış olublar. Sonra isə aldadıldıqlarını, qızıllarının ələ keçirildiyini deyiblər.