İnsayder Fabritsio Romano: "Layptsiq"in yarımmüdafiəçisi Konrad Laymer "Bayern Münhen"lə müqavilə imzalayıb. Yayda azad agent olacaq 25 yaşlı futbolçu ilə hələ bir neçə ay öncədən danışıqlar aparılırdı. Artıq bütün sənədlər imzalanıb. Transfer 1 iyul tarixində həyata keçəcək. 

"Readfootbal": "Benfika"nın müdafiəçisi Tomaş Tavareş karyerasını Rusiya "Spartak"ında davam etdirəcək. Məlumatı Portuqaliya təmsilçisinin idman direktoru Ruy Pedru təsdiqləyib. Transfer bir neçə gün ərzində rəsmiləşəcək. 21 yaşlı portuqaliyalının keçidi "Benfika"ya 3 milyon avro qazandıracaq. Futbolçunun öz maaşı isə ilinə 1-1,2 milyon avro və əlavə bonuslar olacaq. 

İnsayder Xosep Pedrerol: "Real Madrid" bu yay liderlərindən kimisə itirəcək. Bu, ya hücumçu Kərim Benzema, ya yarımmüdafiəçi Luka Modriç, ya da yarımmüdafiəçi Toni Kroos olacaq. Yaşı irəliləyən futbolçuların müqavilələri başa çatmaq üzrədir və hələ heç biri ilə sözləşmə yenilənməyib. 

Daha əvvəl krak klubunun Benzema və Modriçin mövqeyinə yeni oyunçular axtardığı bildirilirdi.