"Calciomercato" nəşri: “Roma”nın yarımmüdafiəçisi Nikolo Dzaniolo ilə “Mançester Yunayted”, “Tottenhem” və “Nyukasl” maraqlanır. "Yuventus" bu futbolçuya göz dikdiyindən İngiltərə klubları üçün çətin olacaq".

"Football London" saytı: “Roma” növbəti transfer pəncərəsində hücumçusu Temmi Abrahamla yolları ayırmağa hazırdır. İtaliya klubu 24 yaşlı futbolçunu 80 milyon avroya satmağa razıdır. Abrahama  iddialı olanlardan biri də "Arsenal"dır. "Topçular" ona yalnız 60 milyon avro təklif edə bilər".

Fabritsio Romano, insayder: "Real Madrid" yarımmüdafiəçisi Luka Modriçin müqaviləsinin müddətini uzatmağı planlaşdırır. Klub xorvatiyalı yarımmüdafiəçiyə müddəti 2023-cü ilə qədər olan yeni anlaşma təklif etməyə hazırdır".

Fabritsio Romano, insayder: "Frenki de Yonq Çempionlar Liqasında oynamaq istədiyi üçün "Mançester Yunayted"dən gələn təklifi rədd edib. "Mançester Yunayted"in gələcək baş məşqçisi Erik ten Haq həmyerlisini İngiltərə təmsilçisində görməkdə maraqlıdır".

"The Telegraph" nəşri: "Pol Poqba yeni klub axtarışına davam edir. Fransalı futbolçu cari mövsümün sonunda bir neçə klubla danışıqlara başlayacaq. Söhbət “Barselona”, “Real Madrid” və “Yuventus”dan gedir. Poqba bütün təklifləri dinləməyə və yalnız bundan sonra seçim etməyə hazırdır. Yayda futbolçu azad agentə çevriləcək".

Martin Edeqor Erlinq Holandın gələcəyi ilə bağlı: “Gəlin gözləyək, görək gələcəkdə o, nə edəcək. Mən bilmirəm. Ancaq İngiltərəyə gələrsə, əlbəttə ki, "Arsenal"a - bizə qoşulmalıdır. Bunu onunla müzakirə etməmişəm. Bilirəm ki, çox adam ondan gələcəyi barədə soruşmağa çalışır. Mən bunu etmək istəmirəm. 

Erlinq sadəcə olaraq vəhşidir. O, güclü və sürətlidir. Düzünü desəm, onun istənilən çempionatda və istənilən ölkədə oynamağa qadir olduğunu düşünürəm”.

"The Telegraph" nəşri: "Ten Haq Donni van de Beki "Mançester Yunayted"də saxlayacaq. Mütəxəssis ona əsas heyətdə kifayət qədər şans verəcək. Futbolçu hazırda icarə əsasında "Everton"da çıxış edir".