Hurriyyet.az saytı sensasion xəbər yayıb.

AzFakt.com xəbər verir ki, sayt Azərbaycanda 3 uşaq atası olan vəzifəli şəxsin 2 uşaq anası olan bir qadını qaçırçası haqda informasiya yayımlayıb. 

Xəbərdə belə bir hadisənin Goranboy rayon İcra Hakimiyyətinin şöbə müdiri Qəmbərli Şaiq Akif oğlu tərəfindən törədildiyi qeyd olunur. Sayt yazır:

“Goranboyda özünü “toxunulmaz” hesab edən və 3 övlad atası olan Ş. Qəmbərli başqasının həyat yoldaşını qaçırıb. Belə ki, Goranboy Sukanal İdarəsində çalışan rayon sakininin (adı bizə bəlli olsa da, etik baxımından yazmağı məqsədəuyğun hesab etmirik – red.) iki uşaq anası olan Ülviyyə adlı xanımı öz ailəsini ataraq, Şaiq Qəmbərliyə qoşulub qaçıb.

Maraqlıdır ki, son vaxtlar Goranboyda Ş.Qəmbərlinin icra başçısının birinci müavini Seymur Nəzərovu əvəzləyəcəyi haqda söz-söhbət dolaşır. Məlumata əsasən, bir ay əvvəl İcra Hakimiyyətində şöbə müdiri təyin olunan Ş.Qəmbərli həmin vaxt yaxın ətrafına bildirib ki, bu vəzifədə müvəqqətidir, tezliklə birinci müavin təyin olunacaq.

Onu da bildirək ki, Şaiq Qəmbərlinin atası Akif Qəmbərli vaxtilə Goranboy Sukanal İdarəsinin rəisi vəzifəsində çalışıb.

Onu da xatırladaq ki, Goranboy rayon İcra Hakimiyyəti başçısının birinci müavini Nəzərov Seymur Fazil oğlu bu ilin fevral ayında həmin vəzifəyə təyin olunub. O, bu təyinatdan öncə rayon Təhsil şöbəsinin müdiri vəzifəsində çalışıb”.