Qazaxıstanın cənubunda hərbçilərin qar uçqunu altında qaldığı yerdə 10 nəfər xilas edilib.

Virtualaz.org bildirir ki, bunu RİA Novosti-yə Qazaxıstan Daxili İşlər Nazirliyi Fövqəladə Hallar Komitəsinin rəsmi nümayəndəsi Ruslan İmankulov deyib.

"Aparılan axtarış-xilasetmə işləri nəticəsində 7 cəsəd aşkar olunub, 10 nəfər isə xilas edilib", - deyə İmankulov bildirib.

*   *   *15:51

Qazaxıstanda hərbçilər qar uçqununun altında qalıb.

Virtualaz.org bildirir ki, bu barədə Qazaxıstan Müdafiə Nazirliyinin mətbuat xidməti məlumat yayıb.

Məlumatda deyilir ki, hadisə ölkənin cənubunda, Cambul vilayətinin Koksay dərəsində, 91678 saylı hərbi hissənin təlimlər keçirdiyi ərazidə baş verib.

Qazaxıstan Müdafiə Nazirliyinin axtarış-xilasetmə işləri apardığı bildirilir.

Məlumata görə, təlim bölgəsində olan hərbçilərin dəqiq sayı müəyyənləşdirilir.