AzFakt.com-un bir həftə öncə “Gilan Holdinq” haqqında yaydığı məlumatdan sonra şirkətin Samux, Beyləqan, Biləsuvar, İmişli rayonlarındakı innovasiya mərkəzlərinə Bakıdan yoxlamalar gedib.

Bu barədə adı yuxarıda adı keçən rayonlardan saytımıza daxil olan məlumatda bildirilir ki, Fövqəladə Hallar nazirinin müavini Tapdıq Əmiraslanov bir sıra rayonlarda fəaliyyət göstərən innovasiya mərkəzlərinə yoxlamalar yollayıb. Yoxlamalarda məqsəd rayonlarda fəaliyyət göstərən innovasiya mərkəzlərinnin rəhbərlikləri tərəfindən yol verilən mənimsəmə faktlarını araşdırmaqdır.

Xatırladaq ki, AzFakt.com-un mayın 31-də yayımladığı məlumatda bildirilirdi ki, hazırda “Gilan Holdinq”ə bağlı şirkətlər tərəfindən bir çox rayonlarda, o cümlədən Samux, Beyləqan, Biləsuvar, İmişli rayonlarında kənd təsərrüfatı məhsullarının becəriliməsi adı altında çox ciddi maliyyə maxinasiyaları baş verir və şirkətin rayon innovasiya mərkəzlərinin rəhbərləri Gilan Holdinq”in vəsaitlərindən ciddi mənimsəmələrə yol verirlər.

Qeyd edək ki, əldə etdimiz məlumata əsasən “Gilan Holdinq “ şirkətlər qrupunun kənd təsərrüfatı sahələrinə nəzarəti FHN nazirinin müavini Tapdıq Əmiraslanov innovasiya mərkəzlərinin rayon rəhbərlərini tez-tez dəyişir. Bu dəyişiliklərin bir çox i hallarda məhz mənimsəmə faktlarının aşkarlanması ilə bağlı olduğu iddia olunur. Maraqlıdır ki, buna baxmayaraq, rayonlarda mənimsəmə halları getdikcə vüsət almaqdadır. 

Qarşı tərəfin münasibətini verməyə hazırıq.