AzFakt

Masazırda qanunsuz obyekt inşa edilir? - FOTOLAR

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Konstitusiya Məhkəməsində vəzifə tutan məmur övladları - Siyagı,Foto


Tarix 08.03.17, 18:18	Font ölçüsü : - / +

Bir neçə tanınmış məmurun övladlarının Konstitusiya Məhkəməsində vəzifə tutması sosial şəbəkələrdə müzakirə mövzusuna çevrilib. Sosial şəbəkə istifadəçiləri onların məhkəmə aparatında yüksək vəzifələr tutduqlarını iddia edirlər.

"Qaynar" xəbər verir ki, musavat.com-un əməkdaşı bununla bağlı kiçik araşdırma aparıb. Konstitusiya Məhkəməsinin saytında aparat əməkdaşlarının siyahısı yerləşdirilib. Siyahıda bir neçə tanınmış məmur övladlarının adına rast gəlmək mümkündür. Onlardan bir neçəsi:

Əfəndiyeva Humay Elçin qızı. Baş nazirin müavini, yazıçı Elçin Əfəndiyevin qızıdır. 1975-ci il təvəllüdlü Humay Əfəndiyeva Konstitusiya Məhkəməsində Cinayət və inzibati hüquq şöbəsinin müdiri vəzifəsini tutur, Dövlət qulluğunun baş müşaviri ixtisas dərəcəsi var. Humay Əfəndiyeva “Dövlət qulluğunda fərqlənməyə görə” medalı ilə təltif edilib.

Dünyamalıyeva Nigar Zahid qızı. Atası Zahid Dünyamalıyev uzun illər daxili işlər orqanlarında yüksək vəzifələrdə işləyib. Sonuncu iş yeri daxili işlər nazirinin birinci müavini vəzifəsi olub. Zahid Dünyamalıyev bu vəzifədə 12 il olub. Hacı Məmmədovun başçılıq etdiyi dəstə ifşa olunduqdan sonra Daxili İşlər Nazirliyində bir sıra yüksək vəzifəli, o cümlədən, Zahid Dünyamalıyev işdən uzaqlaşdırılıb. O, 2009-cu ildə dünyasını dəyişib. Mərhum generalın qızı Nigar Dünyamalıyevanın 37 yaşı var və Konstitusiya Məhkəməsinin Beynəlxalq hüquq və beynəlxalq əməkdaşlıq şöbəsinin müdir müavinidir. Siyasi elmlər namizədidir, “Dövlət qulluğunda fərqlənməyə görə” medalı var.

Aslanov Tural Aslan oğlu. “AzərTAc” dövlət informasiya agentliyinin baş direktoru Aslan Aslanovun oğludur. 1982-ci il təvəllüdlü Tural Aslanov Konstitusiya Məhkəməsində Protokol və ictimaiyyətlə əlaqələr şöbəsinin müdiri vəzifəsini tutur. Beynəlxalq hüquq ixtisası üzrə təhsil alıb. “Dövlət qulluğunda fərqlənməyə görə” medalı ilə təltif edilib

Seyidov Fərrux Ənvər oğlu. Ağır Cinayətlərə dair İşlər üzrə Məhkəmənin hakimi Ənvər Seyidovun oğludur. Konstitusiya Məhkəməsində Məhkəmə iclaslarının təşkili sektorunun müdiridir, dövlət qulluğunun baş müşaviri ixtisas dərəcəsi var. 34 yaşlı Fərrux Seyidov hüquq üzrə fəlsəfə doktoru elmi dərəcəsi alıb. “Dövlət qulluğunda fərqlənməyə görə” medalı ilə təltif edilib.

Qeyd edək ki, Konstitusiya Məhkəməsində 9 şöbə, 2 sektor fəaliyyət göstərir. Konstitusiya Məhkəməsi Azərbaycan Respublikasının Konstitusiyası ilə onun səlahiyyətlərinə aid edilmiş məsələlərə dair ali konstitusiya ədalət mühakiməsi orqandır. Konstitusiya Məhkəməsi müstəqil dövlət orqanıdır və təşkilati, maliyyə, habelə hər hansı başqa cəhətdən qanunvericilik, icra və digər məhkəmə hakimiyyəti orqanlarından, yerli özünüidarə orqanlarından, habelə hüquqi və fiziki şəxslərdən asılı deyil. Konstitusiya Məhkəməsinin əsas məqsədi Azərbaycan Respublikası Konstitusiyasının aliliyini təmin etmək, hər kəsin əsas hüquq və azadlıqlarını müdafiə etməkdir.

Xəbərin oxunma sayı : 151