AzFakt

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Ermənistan müharibəyə təhrik edilir“ - DTX rəisi kəşfiyyat məlumatlarını açıqladı

Ərdoğan Qərbi belə mat etdi – Türk əsri başlayıb

Fəxri Kazımov nüfuzlu şəxsləri Taleh Kazımovla Elnur Əliyevə minnətçi salır - Vəzifədə qalmaq üçün

Bəxtiyar Əsgərov məsələsi Fuad Nəcəflini çətin duruma salıb - Naxçıvana ardı-arası kəsilməyən zənglər...

Samir Şərifov Bakıda biznes mərkəzi tikdirir? - FOTOLAR

Pekin dünya üçün “Çin şoku” hazırlayır – Bazarları ucuz məhsulları ilə dolduracaq

Eldar Əzizovun “tender camaşırxanası“: Mirzəyevlə Mehralıyevin “it yemi satınalması“

“Xocalı qurbanlarının qisasını aldıq!“ - Prezidentin Xocalıdakı çıxışı (FOTOLAR)

Yüz milyon büdcəsi olan Dövlət Fondunu kimlər idarə edir? - Araşdırma

MSK növbədənkənar prezident seçkilərinə yekun vurdu - İlham Əliyev 92,12 % səslə qalib oldu

Bir qərinəlik sədrin müəmması - Vahid Novruzovun Auditorlar Palatasında baş verənlərdən xəbəri yoxdur?

İrəvan bu istiqamətdən savaşa başlayacaq - Fransanın Azərbaycanla bağlı sensasiyalı planı (VİDEO)

Kosovo da iki rus diplomatını qovur - Prezident bəyanatla çıxış etdi


Tarix 23.10.21, 17:25	Font ölçüsü : - / +

Müstəqilliyi qismən tanınan Kosovo Respublikası Rusiyanın iki diplomatını ölkədən qovur. Bu məlumatı Kosovo prezidenti Vyosa Osmani özünün "Facebook" səhifəsində verib. O yazıb ki, Kosovonun Xarici İşlər Nazirliyi Rusiya diplomatlarını “arzuolunmaz şəxs” elan edib.

Bundan əvvəl prezident rusiyalıların ziyanlı fəaliyyəti ilə bağlı onların persona non grata elan edilməsinə dair hökumətə sorğu göndərmişdi.

Söhbətin hansı ziyanlı fəaliyyətdən getdiyi aydınlaşdırılmır.

Osmani habelə "Facebook" postunda Rusiya və onun bölgədəki agentlərini Kosovo, ABŞ və Avropa İttuifaqının regiondakı nailiyyətlərini sarsıtmaq cəhdində ittiham edib. Osmaninin sözlərinə görə, Kosovo amerikalı və avropalı müttəfiqləri ilə birlikdə Rusiyanın bu regionu sabitsizləşdirmək cəhdlərinə qarşı çıxmaqda davam edəcək.

Rusiya Kosovonun Serbiyadan müstəqilliyini tanımayıb və bu səbəbdən də onunla diplomatik münasibətləri yoxdur. Buna baxmayaraq Rusiyanın Serbiyadakı səfirliyinin dəftərxanası Kosovonun mərkəzi şəhəri Priştinada fəaliyyət göstərir. Kosovo hökuməti bu dəftərxananı Rusiya Federasiyasının Kosovodakı rabitə şöbəsi adlandırır.

Rusiyanın Serbiyadakı səfirliyi Kosovonun addımını təxribat adlandırıb.

Səfirliyin bəyanatında deyilir ki, Priştinanın qərarı Rusiya üçün heç bir qüvvəyə malik deyil və sözü gedən diplomatlara gəlincə isə, Rusiya BMT-nin Kosovodakı müvəqqəti inzibati missiyası ilə əməkldaşlıq edir.

Son həftələrdə Kosovonun əsasən etnik serblər yaşayan şimal bölgələrində vəziyyət gərginləşib. Orada yerli əhali ilə Kosovonun xüsusi təyinatlı polisi arasında toqquşmalar baş verir. BMT üzvü olan ölkələrin əksəriyyəti Kosovonun müstəqilliyini tanıyıb. Lakin BMT Təhlükəsizlik Şurasının iki daimi üzvü – Rusiya və Çin Kosovonun müstəqilliyini tanımır. Avropa İttifaqının bir sıra ölkələri, habelə Azərbaycan Kosovonun müstəqilliyini tanımaqdan imtina edirlər. (azadliq.org)

Xəbərin oxunma sayı : 778