Musavat.com xəbər verir ki, bu barədə "Daily Mail" qəzeti məlumat yayıb.

Adətən kraliça oktyabr ayına qədər Şotlandiyanın Balmoral qalasından qayıtmır. Ancaq hadisələr onu bu il adətdən kənar çıxmağa və səfərini yarımçıq dayandırmağa vadar edib. Baş nazirin təyinatı kraliçanın bir neçə şəxsi imtiyazlarından biri sayılır və mənbələr onun bu vəzifəni şəxsən özü yerinə yetirmək niyyətində olduğunu bildirir. Daha sonra kraliça istirahət müddəti üçün yenidən qalaya qayıtmağı planlaşdırır.

Xatırladaq ki, iyul ayının 7-də Boris Conson xalqa müraciət edərək Mühafizəkarlar Partiyası liderliyindən və baş nazir vəzifəsindən istefa verdiyini açıqlayıb.

Onun sentyabrın 5-nə qədər hökumət başçısı postunda qalacağı qeyd olunur.