AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Livan və İran ətrafında gərginlik artır - Atəşkəsə baxmayaraq qarşılıqlı hücumlar başlayıb


Tarix 20.04.26, 15:19	Font ölçüsü : - / +

Yaxın Şərqdə vəziyyət yenidən gərginləşib. Livanda elan edilən on günlük atəşkəsə baxmayaraq, bölgədə yeni hərbi toqquşmalar və qarşılıqlı zərbələr qeydə alınıb.

“Hizbullah” bəyan edib ki, İsrailə məxsus səkkiz zirehli texnikadan ibarət hərbi kolona qarşı bir neçə partlayışın həyata keçirilməsinə görə məsuliyyəti üzərinə götürür. Şiə qruplaşması bu hücumların “İsrail hərbi fəaliyyətinə cavab” olduğunu bildirib.

İsrail ordusu isə gecə saatlarında Livanın cənubunda yerləşən raket buraxılış mövqelərinə hava zərbələri endirildiyini açıqlayıb. Eyni zamanda, hərbi rəhbərlik Litani çayı ətrafındakı ərazilərə yaxınlaşmamaq barədə yerli əhaliyə xəbərdarlıq edib.

İsrail tərəfi bəyan edib ki, ordunun Livanın cənubundakı mövqeləri qalır və əməliyyatlar “Hizbullah”ın davam edən hücumlarına cavab xarakteri daşıyır”.

Bu arada İran ətrafında da diplomatik gərginlik davam edir. Məsud Pezeşkian ABŞ ilə münasibətlərin normallaşdırılması üçün diplomatik kanallardan istifadə edilməsinin vacibliyini vurğulayıb, lakin Vaşinqtona qarşı “etimadsızlığın davam etdiyini” bildirib.

İran Xarici İşlər Nazirliyi ABŞ ilə növbəti danışıqlar mərhələsi ilə bağlı hələ qərar verilmədiyini açıqlayıb. Məlumata görə, ABŞ nümayəndələrinin İslamabadda qarşı tərəflə görüşü planlaşdırılsa da, Tehran hələlik iştirakını təsdiqləməyib. Mövcud atəşkəs rejiminin müddətinin yaxın günlərdə başa çatacağı bildirilir.

Paralel olaraq, İran məhkəmə sistemi İsraillə kəşfiyyat əməkdaşlığı ittihamı ilə iki nəfərin edam edildiyini açıqlayıb. Bildirilir ki, həmin şəxslər “Mossad” ilə əlaqədə olmaqda və ölkə daxilində hücumlar planlaşdırmaqda təqsirli biliniblər. Onların xaricdə, o cümlədən İraq Kürdüstanında hazırlıq keçdiyi iddia olunur.

Yaxın Şərqdə baş verən bu proseslər regionda atəşkəs rejiminin nə qədər kövrək olduğunu və həm hərbi, həm də diplomatik müstəvidə gərginliyin davam etdiyini göstərir.

Xəbərin oxunma sayı : 1255