Bu barədə BELTA-ya istinadən xəbər verir.

“Bu torpaqları dirçəltməyin, insanları geri qaytarmağın vaxtı gəlib çatıb. Qalib gəldiniz, qələbəni qorudunuz, indi torpaqları dirçəltmək lazımdır”, - A.Lukaşenko Bakıda Azərbaycan Prezidenti İlham Əliyevlə görüşündə deyib.

Onun sözlərinə görə, bu iş çox vaxt, böyük əmək tələb edəcək və Belarus bu istiqamətdə Azərbaycana dəstək göstərməyə hazırdır.

A.Lukaşenko qeyd edib ki, Qarabağda görülən işlərdə Azərbaycanın kifayət qədər köməkçi var. 

"Amma biz bu işdə dostcasına iştirak edə bilərik... Avadanlıqlar, kənd təsərrüfatı şəhərləri, iş yerləri, müəyyən texnologiyalar - əgər uyğundursa, bizim texnikamız burada olub işləyə bilər..." - deyə, Belarus lideri bildirib. 

A.Lukaşenko onu da bildirib ki, təkbətək danışıqlar zamanı Prezident İlham Əliyevdən, mümkün olarsa, Qarabağda Belarus üçün də bir yer ayrılmasını xahiş edib.

"İlham Heydəroviç isə bu yanaşmanı dəstəklədi” - deyə, Lukaşenko bildirib.  

Dövlət başçısı qeyd edib ki, qarşılıqlı fəaliyyətin perspektivlərinə baxdıqda böyük potensialı, əmtəə dövriyyəsinin artmasını və sənaye kooperasiyasının, kənd təsərrüfatında əməkdaşlığın genişləndirilməsini görmək olar: “Əlbəttə ki, biz azad edilmiş ərazilərin bərpasında Belarus şirkətlərinin, müəssisələrinin iştirakına şad olardıq. Nümayəndə heyətlərinin üzvləri bu məsələni də müzakirə ediblər”.