Musavat.com Türkiyə mətbuatına istinadən xəbər verir ki, dəfələrlə boşanacaqları haqda xəbərlər yayılan, lakin hər dəfə münasibətlərini düzəldən cütlük artıq vəkillərinə vəkalət verib. 2014-ci ildə evlənən Bircə Akalay və Sarp Levendoğlunun işlərinin çoxluğu səbəbi və bir-birinə vaxt ayıra bilmədiyi üçün ayrıldığı deyilir. 

B.Akalayın yaxınları "Aktrisa şəxsi həyatı haqqında 2 ildir danışmır, bundan sonra da danışmayacaq" deyə bildirib. 

Boşanma qərarına bir xəyanətin yol açdığı iddialarına da aktyorun dostları aydınlıq gətirib: "Xəyanət yoxdur. İş çoxluğu səbəbi ilə ayrılırlar".

Qeyd edək ki, noyabr ayında Bakıda qonaq olan aktyor boşanma xəbərlərinin əsassız olduğunu bildirmişdi: "Biz boşanmamız haqda xəbərlərə gülürük. Ayrılmamışıq. Hər ikimiz işimizlə məşğuluq, bir-birimizi qısqanmırıq. Bir-birimizin işinə hörmət edirik. Heç Bircenin rol aldığı ekran işlərini də izləmirəm. Boş vaxtım olmur”.