AzFakt.com-a göndərilən müraciətdə ailə başçısı İbadət Tanverdiyev pezident İlham Əliyevə yazaraq bildirir ki, 26 ildir çiy kərpicdən tikdikləri daxmada məskunlaşıblar. Bu 26 ildə dövlətə, Heydər və İlham Əliyev siyasətinə olan inamlarını itirməyən Tanverdiyevlər ailəsi yaşadıqları daxmadan qurtulmaq üçün dəfələrlə Qaçqın və Məcburi Köçkünlər Üzrə Dövlət Komitəsinə onlarla müraciətlər etmələrinə baxmayaraq onları saya salan yoxdur. Sonuncu müraciətini saytımız vasitəsi ilə Qaçqın və Məcburi Köçkünlər Üzrə Dövlət Komitəsinin sədri Rövşən Rzayevə edən Tanverdiyev ailəsini hələdə itirib axtaran yoxdur. Məcburi köçkün ailəsi Rövşən Rzayevə etdiyi müraciətlərində xahiş edirdi ki, onları Xocavənd rayonunda məcburi köçkünlər üçün inşa edilmiş mənzillərdən biri ilə təmin edilməsinə köməklik göstərsin. 

İbadət Tanverdiyev yazır: Cənab prezident ailəmizin ümidi və inamı SİZƏ və birinci vitse-prezident Mehriban Əliyevayadır. Məhz sizin sayənizdə biz məcburi köçkünlərin sosial problemləri öz həllərini tapmaqdadır. Buna görədə sizə ailəm adından bir daha minnətarlığımı bildirirəm və qarşınızda baş əyirik. 

Cənab İlham Əliyev yazıb sizdən xahiş edirəm ki, ailəmizin 26 illik acınacaqlı vəziyyətinə son qoyulmasına köməklik göstərin. Hazırda Xocavənd qəsəbəsində sizin sayənizdə məcbui köçkünlər üçün yeni şəhərcik salınıb və tikilən mənzillər bu ay məcbui köçkünlərə veriləcək.

Hörmətli pezident yeni tikilən şəhərcikdə mənzillə təmin olunmağım üçün bir neçə dəfə Qaçqın və Məcburi Köçkünlər Üzrə Dövlət Komitəsinin sədri Rövşən Rzayevə müraciət ünvanlasamda kimsə bizi adam yerinə qoyub itirib axtarmadı. Burda hər kəs açıq deyir ki, yeni tikilən şəhərcikdə ev siyahısına düşmək üçün mütləq şəkildə ya adamın yada pulun olmalıdır. Bizim adamımız ancaq və ancaq SİZSİNİZ. Çünki bizim həmişə inam, etibar etdiyimiz lider Ulu Öndər Heydər Əliyev olub. Biz həmişə Ulu Öndəri, sizi və ailənizi ölkəmizin sabitliyinin qarantı kimi görürük.

Cənab prezident məhz bunlara görə bizim adamımız, bizim ümid yerimiz SİZSİNİZ.

Cənab prezident İlham Əliyev sizdən Xocavənd qəsəbəsində yeni inşa edilən şəhərcikdə ailməzədə mənzil verilməsinə köməklik göstərmənii xahiş edirik. Bizim ÜMİDİMİZ yalnız SİZSİNİZ.