AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Məmur Əhməd Həsənov haqqında sensasion iddia - Həbs oluna bilər


Tarix 09.12.25, 20:01	Font ölçüsü : - / +

Antiinhisar və İstehlak Bazarına Nəzarət Dövlət Agentliyinin nəzarəti altında təşkil olunan “Dövlət Satınalmaları”nda iştirak edən sahibkarların şikayətləri artmaqdadır...

Son günlər Antiinhisar və İstehlak Bazarına Nəzarət Dövlət Agentliyinin rəhbərliyində bir neçə vəzifəli şəxsin işdən kənarlaşdırılması bu qurumun fəaliyyətini yenidən aktuallaşdırıb.

AzFakt.com xəbər verir ki, Gununsesi.info portalının bu araşdırmasında Antiinhisar Agentliyinin faəliyyətinə nəzər salınıb.

Dövlət tərəfindən “e-tender” platforması üzərindən təşkil olunan Dövlət Satınalmalarının effektivliyinin daha da artırılması üçün kifayət qədər vəsait xərclənsə də məlum olur ki, bu sahədə şəffaflıq təmin olunmayıb.

Belə ki, mətbuatda, eləcə də müxtəlif kurs və seminarlarda Dövlət Satınalmalarının şəffaflığından danışaraq bütün proseslərin tam qaydalara uyğun olaraq keçirldiyi illuziyasını yaradan məmurlar sonradan öz kabinetlərinə keçdikdə danışdıqlarının əksini edirlər.

Adıçəkilən formada Dövlət Büdcəsinin talanmasında kifayət qədər iştirakı olan məmurlar isə illərdir ki, Antiinhisar və İstehlak Xidmətinin Şöbə Müdiri vəzifəsində işləmiş hal-hazırda isə müxtəlif qanunsuz əməlləri aşkar olunduğundan şöbə müdiri vəzifəsindən azad olunaraq müşavir vəzifəsinə təyin olunan Əhməd Həsənovdur. Son təsdiqlənməmiş məlumatlara görə Əhməd Həsənov bu vəzifəsindən də kənarlaşdırılıb.

Bəzi iddialara görə, hüquq-mühafizə orqanları Əhməd Həsənov barəsində araşdırmalara başlayacaq.

Bildirilir ki, bu araşdırmalar nəticəsində Əhməd Həsənovun çoxsaylı qanunazidd əməlləri üzə çıxa bilər.

Bu isə yüz milyonlarla vəsaitin planlı şəkildə talanması deməkdir.

Bildirilir ki, Əhməd Həsənov müxtəlif vaxtlarda kifayət qədər iri həcmli tenderlərə müdaxilə edərək satınalan təşkilatların təsdiq üçün göndərdikləri qalibləri kənarlaşdıraraq artıq qiymətlərlə iştirak edən 2-3 cü yerlərdə olan iddiaçıları qalib elan etmişdir.

Şirkətlər tələb olunan alqı-satqı və xidmətlər üzrə əsas tələbləri ödədiyi halda heç bir əhəmiyyət kəsb etməyən əlavə şərtlər və tələblər yerləşdirməklə şirkətlərin tenderlərdə iştirakını məhdudlaşdırmış və ya prosesdən kənarlaşdırmışdır. Eləcə də müxtəlif satınalan təşkilatlarla sövdələşmə edərək tenderlərdə alqı -satqı və xidmətlər üçün tələblər xanasında şişirdilmiş rəqəmlər qeyd etməklə, öz qalib edəcəkləri şirkəti məlumatlandırıblar

Belə ki, onlara həmin xanaları boş saxlamaq və ya realdan dəfələrlə aşağı qiymət yazdırmaqla ən aşağı qiymətlə qalib gəlmələrini təmin ediblər.

Bu prosesə bələd olan sahibkarlar deyir ki, qalib elan olunan şirkətlərin adı qalmaqallarda, vergi borclarında və dələduzluqda hallanıb.

Bu proses zamanı isə tenderlərə qatılmaq istəyən şirkətlərin narazılıqları araşdırılmayıb.

Antiinhisar və İstehlak Xidməti birbaşa belə halların aşkarlanaraq müvafiq addımlar atmalı olduğu halda onlarla ünvanlanmış müraciətləri araşdırmadan, şablon cavablar verməklə kifayətlənib.

Hal- hazırda Portal üzərindən təşkil olunmuş müxtəlif tenderlər Satınalan təşkilatlar tərəfindən təsdiq olunması üçün göndərilsə də heç bir səbəb olmadan aylarla gözlədilir.

Bu isə qanunvericiliyin ciddi şəkildə pozulması deməkdir.

Bugün Azərbaycanın yeni maliyyə naziri Sahil Babayevin apardığı siyasət dövlət büdcəsi xərclərində israfçılığın qarşısının alınması, qənaət prinsipinə söykənib. Azərbaycan hökumətinin əsas prioriteti isə işğaldan azad olunmuş torpaqlarda yeni həyat üçün işlərdir.

Belə bir məqamda Əhməd Həsənov kimi məmurlar açıq-aydın dövlətin büdcəsini talan etməklə məşğuldurlar. Lakin yenə də diqqətçəkən məqam ondan ibarətdir ki, bu şəxsin fəaliyyəti ifşa olunsa da heç bir şey olmamış kimi sadəcə vəzifəsindən azad olunaraq yola salınır.

Nəzər alsaq ki, bu günə kimi Dövlət Büdcəsini talan etmiş müxtəlif məmurlar, hətta nazirlər belə cinayət məsuliyyətinə cəlb olunub.

Amma nədənsə Əhməd Həsənov sərbəstdir. İddialara görə müxtəlif vaxtlarda Əhməd Həsənovun komandasında onunla birlikdə işləmiş Zəminə Əliyevanın və Elşən Cəfərovun da adları bu qanunsuzluqlarda hallanır.

Əgər hüquq-mühafizə orqanları Antiinhisar Agentliyinin fəaliyyətini ciddi araşdırsa o zaman yuxarıda adıçəkilən şəxslərin də məsuliyyəti müəyyən ediləcək.

Əks təqdirdə bu şəxslərin sadəcə xidmətdən azad olunaraq yola salınması isə gələcəkdə bu cür talamaların davam etməsinə yaşıl işıq deməkdir.

Xəbərin oxunma sayı : 88