Toy mərasimində türkiyəli sənətçilərindən Murad Boz, Hadisə və bir sıra məşhur ulduzların çıxış edib. Əslində isə həmin toya Azərbaycan sənətçiləri də dəvət olunub. Onların arasında xalq artisti Brilyant Dadaşova və əməkdar artist Baloğlan Əşrəfov da yer alıb.

B.Əşrəfov Aznyus-a açıqlamasında məlumatı təsdiq edib. O qeyd edib ki, toya şəxsən dəvət olunub və orada repertuarında olan mahnılardan bir neçəsini ifa edib:

“Çox gözəl bir toy mərasimi keçib. Orada dünyanın hər yerindən, həmçinin Azərbaycandan da tanınmış şəxslər iştrak edib. Mənimlə yanaşı xalq artisti Brilyant Dadaşova da toyda olub”.

“Palmali” Şirkətlər Qrupunun prezidenti Mübariz Mənsimovun qardaşı Mais Mənsimovun qızının toy məclisi Çırağan sarayında baş tutub. Mais Mənsimovun qızı Zümrüd Azərbaycanın tanınmış iş adamlarından olan, Zülfüqarlı qardaşlarından biri, “Sönmezler Metal” şirkətinin rəhbəri Loğman Zülfüqarlının oğlu Şahinlə ailə həyatı qurub.