Bu məqsədlə baş məşqçi Nikola Yurçeviç komandanı mayın 19-dən bir araya gətirib. Xorvat mütəxəssis yığmaya 27 futbolçu çağırsa da, onlardan biri - İspaniyanın "Alkorkon" klubunda forma geyinən Eddi İsrafilov zədə səbəbindən kənarda qalıb.

Bu arada "Transfermarkt.de saytı futbolçuların qiymətlərini yeniləyiib. Fanat.Az xəbər verir ki, Almaniya saytının qiymətləndirməsinə görə, millimizin əksər futbolçuları öz dəyərini artırıb, bir neçəsinin qiymətində eniş müşahidə olunub, bəzilərinin dəyəri isə sabit qalıb.

Millimizin ən dəyərli futbolçus Riçard Almeydadı. "Qarabağ"ın milliləşdirilmiş futbolçusu dəyərini 100 min avro artıraraq 1,6 milyon avro edib.

Onu digər "Qarabağ"lı Maksim Medvedev izləyir - 1,3 milyon avro. Bu futbolçu da dəyərini 100 min avro artırıb. Digər iki "Qarabağ"lı - Mahir Emreli və Bədavi Hüseynovun dəyəri 1,2 milyon avrodu. "Qarabağ"lı Qara Qarayevlə "Krılya Sovetov"da çıxış edən Ramil Şeydayevə 1 milyon avro qiymət qoyulub. Ramil həm də dəyərini ən çox artıran futbolçudu. Onun transfer qiyməti 500 min avrodan 1 milyona qalxıb.

"Transfermarkt" millimizin 26 futbolçusuna ümumilikdə 16 milyon 775 min avro qiymət qoyub.

Riçard Almeyda (Qarabağ) - 1,6 milyon avro (+100 min avro)

Maksim Medvedev (Qarabağ) - 1,3 milyon avro (+100 min avro)

Mahir Emreli (Qarabağ) - 1,2 milyon avro (+200 min avro)

Bədavi Hüseynov (Qarabağ) - 1,2 milyon avro (+200 min avro)

Qara Qarayev (Qarabağ) - 1 milyon avro

Ramil Şeydayev (Krılya Sovetov, Rusiya) - 1 milyon avro (+500 min avro)

Emin Mahmudov (Neftçi) - 900 min avro

Səlahət Ağayev (Neftçi) - 700 min avro (+100 min avro)

Anton Krivotsyuk (Neftçi) - 600 min avro (+100 min avro)

Aleksey İsayev (Sumqayıt) - 600 min avro (+150 min avro)

Dmitri Nazarov (Aue, Almaniya) - 600 min avro (-100 min avro)

Mirabdulla Abbasov (Neftçi) - 550 min avro (-100 min avro)

Bəhlul Mustafazadə (Qəbələ) - 500 min avro (+250 min avro)

Şəhriyar Rəhimov (Səbail) - 500 min avro (+100 min avro)

Pavel Paşayev (Aleksandriya, Ukrayna) - 500 min avro

Araz Abdullayev (Qarabağ) - 500 min avro

Ömər Buludov (Neftçi) - 450 min avro (+200 min avro)

Namiq Ələskərov (Neftçi) - 450 min avro (+50 min avro)

Emil Balayev (Tobol, Qazaxıstan) - 400 min avro (+250 min avro)

Ağabala Ramazanov (Səbail) - 400 min avro (+150 min avro)

Əli Babayev (klubsuz) - 400 min avro (+100 min avro)

Rahil Məmmədov (Qarabağ) - 400 min avro

Rəşad Eyyubov (Sabah) - 300 min avro (+50 min avro)

Rüfət Dadaşov (Proysen Münster, Almaniya) - 275 min avro (+25 min avro)

Şahruddin Maqomedaliyev (Qarabağ) - 250 min avro

Renat Dadaşov (Eştoril, Portuqaliya) - 200 min avro (Fanat.Az)