Karyerasına son qoyub körpəsini böyütmək istəyir “Məni milyonçu hesab edirlər” - Vasif “O səhnələrə baxanda gözlərim dolur” - “Karadeniz”in aktrisası Elnarə ilə Tolik arasında dava
Axtar
 
  • / Maqazin / — 21 Fevral 2018

    Karyerasına son qoyub körpəsini böyütmək istəyir

  • / Maqazin / — 17 Fevral 2018

    “Məni milyonçu hesab edirlər” - Vasif

  • / Maqazin / — 16 Fevral 2018

    “O səhnələrə baxanda gözlərim dolur” - “Karadeniz”in aktrisası

  • / Maqazin / — 09 Fevral 2018

    Elnarə ilə Tolik arasında dava

  • / Maqazin / — 07 Fevral 2018

    Elza Seyidcahan polisə şikayət etdi

  • / Maqazin / — 06 Fevral 2018

    Tanınmış müğənni 3-cü ərindən də boşandı

Moskvaya qaçmaq istəyən biznesmen qardaşını öldürüb, arvadını yaraladı

Tarix 15.12.16, 12:52

Font ölçüsü : - / +
bitmap-img6


Şamaxı rayonunda qardaşını güllələyərək öldürən, öz arvadına isə xəsarət yetirən şəxsin cinayət işi üzrə məhkəmə prosesi başlayıb.

Musavat.com xəbər verir ki, Bakı Ağır Cinayətlər Məhkəməsində hakim Əhməd Quliyevin sədrliyi ilə 1971-ci il təvəllüdlü Rəşidzadə Azad Əli oğlunun cinayət işi üzrə məhkəmənin hazırlıq iclası keçirilib.

Hazırlıq iclasında Azad Rəşidzadənin anket məlumatları dəqiqləşdirilib. Onun 3, 5 və 7 yaşlarında övladlarının olduğu məlum olub.

Rayonun Çarhan kəndində baş verən qətl hadisəsinin ailə münaqişəsi zəminində baş verdiyi qeyd edilir. Azad Rəşidzadə ov tüfəngi ilə qardaşı 1967-ci il təvəllüdlü Rəşidov Azər Əli oğlunu güllələyib. Ağır xəsarətlər alan Azər Rəşidov hadisə yerində dünyasını dəyişib.

Hadisə zamanı Azad Rəşidzadə onun qarşısını kəsən öz arvadı 1982-ci il təvəllüdlü İbadova Möminə Əlişah qızına da atəş açaraq onu əlindən yaralayıb.

Hadisənin baş vermə  səbəbləri barədə əldə etdiyimiz məlumata görə, Azad Rəşidzadə hadisədən bir gün sonra Moskvaya gedəcəkmiş. O, anası ilə qardaşı arvadı arasında münasibətlərin yaxşı olmadığını bilirmiş və bu barədə evdəkilərə xəbərdarlıq etməyi düşünüb.

A.Rəşidzadə ilk olaraq qardaşının arvadına yaxınlaşaraq anası ilə münasibətləri normallaşdırmasını, onunla yaxşı rəftar etməsini istəyib. Qardaşının arvadından kobud cavab alan Rəşidzadə onunla mübahisə etməyə başlayıb. Mübahisəyə qardaşı Azər Rəşidzadə də qoşulub. Qardaşların mübahisəsi isə ölümlə nəticələnib. Evdən ov tüfəngini götürən Azad qardaşına bir dəfə atəş açıb. 

Məlumata görə, o, ikinci dəfə atəş açmaq istəyərkən arvadı əlini silaha atıb. Bu zaman silah açılıb və o, barmaqlarından xəsarət alıb.

Azad Rəşidzadə əvvəlcədən planlaşdırdığı kimi Rusiyaya getmək istəyərkən hüquq mühafizə orqanlarının əməkdaşları tərəfindən saxlanılıb. 

Onun Moskvada bizneslə məşğul olduğu bildirilir.

Məhkəmənin baxış iclası dekabrın 22-nə təyin edilib.



Xəbərin oxunma sayı : 286

loading...

Kriminal

Xəbərlər

ARXİV
Əlaqə | Haqqımızda