AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Nazir “Böyük Dəbilqə“nin açılışına niyə gəlmədi? - Fərid Qayıbov yola salınacaq?


Tarix 16.02.25, 12:29	Font ölçüsü : - / +

Azərbaycan Respublikasının Gənclər və İdman Nazirliyinin rəhbərliyi növbəti dəfə mənfi hərəkətlə diqqət çəkib.

AzFakt.com Supersport.Az-a istinadla xəbər verir ki, ötən gün Bakıda cüdo üzrə dünya səviyyəli "Böyük Dəbilqə" beynəlxalq turnirinin açılış mərasiminə nazirlikdən kimsə gəlməyi lazım bilməyib.

Milli Gimnastika Arenasında keçirilən yarışa Gənclər və İdman Nazirliyinin rəhbərliyindən kimsə gəlməyib. Fərid Qayıbovun başçılıq etdiyi nazirliyin rəsmiləri bundan əvvəl dünya şöhrətli hakim Tofiq Bəhramovun 100 illik yubileyinə həsr olunan matça gəlməmişdi.

Gənclər və İdman Nazirliyinin rəhbərliyindən fərqli olaraq "Böyük Dəbilqə" yarışının açılış mərasiminə Milli Olimpiya Komitəsinin rəsmiləri təşrif buyurub. MOK-un vitse-prezidenti Çingiz Hüseynzadə, baş katibi, prezident İlham Əliyevin bacısı oğlu Azər Əliyev turnirə gəlib, idmançıların mükafatlandırmasında iştirak ediblər. gün Bakıda keçirilən cüdo yarışının açılış mərasiminə gəlincə, əvvəlcə turnirdə iştirak edən 36 ölkənin bayrağı tamaşaçılara təqdim olunub.

Ardından Azərbaycan cüdoçularının ötən il əldə etdikləri nailiyyətləri əks etdirən videoçarx nümayiş etdirilib.

Azərbaycan Cüdo Federasiyasının prezidenti Rəşad Nəbiyev Bakının belə mötəbər turnirə ev sahibliyi etməsinin ölkə idmanının inkişafı baxımından əhəmiyyətindən danışıb. O, Azərbaycan cüdoçularının "Paris-2024" Yay Olimpiya Oyunlarında 2 qızıl medal qazandığını xatırladıb. Federasiya rəhbəri milli komandanın üzvlərinin bu turnirdə də ümidləri doğruldacaqlarına inandığını bildirib. R.Nəbiyev yarışın təşkilində dəstəyinə görə Beynəlxalq Cüdo Federasiyasının (İJF) prezidenti Marius Vizerə təşəkkür edib.

M.Vizer Paris Olimpiadasında qazanılan uğurlara görə Azərbaycanı təbrik edib, "Azərbaycandan zövq alın" deyib. "Böyük Dəbilqə"də iştirak edən bütün idmançılara uğurlar arzulayan İJF rəhbəri, turniri açıq elan edib.

Azərbaycan Dövlət Himni və Beynəlxalq Cüdo Federasiyasının himni səsləndirildikdən sonra final görüşlərinə start verilib.

Qeyd edək ki, fevralın 16-dək davam edəcək "Böyük Dəbilqə"də Azərbaycan 12 çəki dərəcəsində 32 idmançı (23 kişi və 9 qadın) ilə təmsil olunur. Turnirdə ümumilikdə 36 ölkədən 258 cüdoçu medallar uğrunda mübarizə aparır.

Xatırladaq ki, ötənilki cüdo üzrə "Böyük Dəbilqə" yarışının açılış mərasimində gənclər və idman nazirinin müavini Mariana Vasileva iştirak etmişdi. Lakin Mariana Azərbaycanın bədii gimnastika yığmasında baş məşqçi çalışan zaman gimnastları döyməkdə ittiham olunduğu üçün Gənclər və İdman Nazirliyindən qovulub. Prezident İlham Əliyev 2021-ci ildə bolqar Mariana Vasilevanı gənclər və idman nazirinin müavini təyin etmişdi. Ancaq Mariana Vasileva fəaliyyətində verdiyi ciddi nöqsanlara görə, nazirlikdən kənarlaşdırılıb.

İddia var ki, nazir Fərid Qayıbov da vəzifədən kənarlaşdırılacaq.

Xəbərin oxunma sayı : 739