Musavat.com xəbər verir ki, bu sözləri müğənni Səidə Sultan "MTV Azərbaycan"a açıqlamasında deyib. Sənətçi Xalq artisti Röya Ayxan və müğənni Natavan Həbibi haqda suallara isə əsəbiləşib:

"Röya, Natavan barədə sual verməyin. Mənim nəyimə lazımdır Nata, Röya? Özləri bilərlər. Niyə axı onlar haqında danışım? Gələn mənə onlardan nə isə deyir. Elə bil mən onların məhkəməsiyəm".

“Özüm üçün yaşayıram. Onsuz da hər kəs özü üçün yaşayır. İnsanlar niyə mənə müdaxilə etsin ki? Özümü belə görürəm, belə rahatamsa, heç kim mənim azadlığımı ala bilməz. Evdəkilər insanların qınağına əsəbiləşir. Deyirəm ki, siz məni neçə il dəyişə bilmədinizsə, indi də dəyişə bilməyəcəksiniz. Başımı aşağı salıb, öz işimlə məşğul oluram. Dəyməyin mənə. Mənə belə rahatdır. Mən insanlara görə dəyişə bilmərəm”.