Qol.az xəbər verir ki, “Footbal Italia”ya danışan komitə rəhbəri vaxtın az olduğunu bildirib: “Bəzi tədbirlərin azarkeşlə və ya azarkeşsiz keçiriləcəyini əminliklə deyə bilərik. Amma indiki vəziyyətdə azarkeşlərin iştirakına dair sərt tələb var. Problem ondadır ki, indi biz insanların stadionlara girişinə təminat verə bilmərik".

Qeyd edək ki, UEFA Avro-2020-yə ev sahibliyi edəcək şəhərlərə azarkeşlərlə bağlı planlarını müəyyənləşdirmək üçün son müddəti aprelin 7-dən 28-dək uzadıb.

Xatırladaq ki, Azərbaycan Avro-2020-nin Bakı Olimpiya Stadionunda keçiriləcək oyunları üçün UEFA-ya təminat verib. Dörd oyununun hər birində ümumi tamaşaçı tutumunun 50 faizi qədər (35 minə yaxın) azarkeş iştirak edə biləcək. 11 iyun – 11 iyul tarixlərində keçiriləcək Avro-2020-nin qrup mərhələsinin 3, 1/4 finalın isə bir oyunu Bakı Olimpiya Stadionunda keçirilməlidir.