Bu səbəbdən adları siyahıda yer almış şəxslər və ailələri qarşıdakı dövrdə belə bir hücuma indidən psixoloji baxımdan hazırlıqlı və ayıq-sayıq olmalı, onlara ötürüləcək informasiyaları ciddi təhlil etmədən onun tələm-tələsik yayımçısına və ya reaksiyavericisinə çevrilməməlidirlər. 

Çünki OCCRP-nin yaydığı məlumatın və nömrə sahiblərinə ünvanladığı məktubların özündə də çox ciddi suallar, hətta bunun sosial şəbəkələr üzərindən həyta keçiriləcək bir kiberəməliyyat olduğuna əsaslı şübhələr yaradan məqamlar var. Məsələn, haker əməliyyatına məruz qalmış nömrə sahiblərinə açıqca eyham vurulur ki, onlar barəsində Azərbaycan hökuməti audio-video yazılar, dinləmə və çəkilişlər aparıb, kompromatlar toplayıb və materiallar da məhz OCCRP-yə “nömrə siyahısını sızdıran”dadır. 

Belə çıxır ki, OCRRP-yə bu məlumatları sızdıran mənbə gələcəkdə toplanan kompromatları da Azərbaycan hökumətinin adından dövriyyəyə soxacaq və gerçək mənbənin kimliyindən asılı olmayaraq, bütün şübhələr Azərbaycan hökumətinin üzərində qalacaq, etirazlar bir istiqamətə fokuslanacaq.

O da mümkündür ki, Azərbaycan hökuməti daxilində dinlənilən şəxslər haqda məlumatı sızdıranlarla OCCRP-nin arxasındakı güclər eyni mərkəzə bağlıdırlar və indiyədək toplanan kompromatlar paralel şəkildə hər ikisində arxivləşdirilib, gərəkli anda dövriyyəyə buraxılacaq.

Hər halda, 44 günlük Qarabağ zəfərindən məmnun qalmayan Qərbin ölkəmizə basqılarının artdığı və xüsusən də Əliyev-Putin görüşü öncəsi belə bir "sızma hadisəsi" ciddi bir qanunsuzluq faktının ifşası sayılsa da, jurnalistlərimizə və siyasətçilərimizə sevginin də ifadəsi deyil!

Bütün versiyalar diqqətə alınmalı, ona hazırlıqlı olmalıyıq!