AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“İranın daxilindəki sakitlik uzun sürməyəcək” - “Rəqabət qarşıdurma halına gəlib...”


Tarix 13.09.21, 19:16	Font ölçüsü : - / +

“Yeni prezident İbrahim Rəisi dönəmində əsas hədəf İranın hazırda qarşı-qarşıya olduğu problemləri çözmək deyil, hakimiyyətin mövcudluğuna təhlükə yarada biləcək daha ciddi problemlərin önünə keçməkdir”.

AzFakt.com xəbər verir ki, bnunu “Amerikanın səsi” radiosuna müsahibəsində tanınmış iranlı jurnalist Taha Kirmani deyib. Jurnalist İbrahim Rəisinin prezidentliyə gəlməsi ilə nəticələnən seçkilər və onun Nazirlər Kabinetinin tərkibinə diqqət çəkərək deyib: “Artıq icraedici hakimiyyət üzərində Əli Xameneinin kölgəsini deyil, əlini görürük. İranın seçki sisteminə baxdığımızda, biz ən azından zahirdə də olsa bir rəqabət görürdük. Son seçkilərdə bu rəqabət sonlandırılmış görünür, amma hamı bilir ki, bu, indi yerin altına girib və daha çox bir qarşıdurma halına gəlib. Yəni, artıq güclərin paylaşılması mövzusunda ittifaq deyil, bir basdırılma var”.

O, islahatçıların kənarlaşdırılması ilə birlikdə daxili siyasətdə bir rahatlanma göründüyünü, lakin bu vəziyyətin uzun sürməyəcəyini önə çəkib: “Adını islahatçılar və mühafizəkarlar qoysaq, artıq İbrahim Rəisi dönəmində siyasi gücün kontrollu bir şəkildə bölüşməsini deyil, kontroldan çıxa biləcək bir qarşıdurmaya çevrildiyini görürük. Hazırda gücün tək əldə toplaşması ilə birlikdə bir rahatlanma görünə bilər, amma bu quruluş uzun sürə bilməyəcək. Bu rəqabət qısa müddətdə bir qarşıdurma və üzləşməyə doğru gedəcək.”

Taha Kirmani hesab edir ki, islahatçı və mühafizəkar qanada mənsub qüvvələrin kənarlaşdırılması həmçinin bürokratiya və idarəetmə sahəsində ciddi problemlərə yol aça bilər. Onun sözlərinə görə, islahatçı və mötədil qüvvələr hər zaman İranda işin bürokratik ayağını götürən qol olub: “Yəni işi yürüdən və işi bilən tərəf bu qanad idi. İndi sanki işi bilənlər bir kənara atılıb. Bu düzənin çox sürə bilməsinə dair ciddi şübhələr var. Misal üçün, xüsusilə İranın Xarici İşlər Nazirliyi və Neft Nazirliyində işlərin uzun müddət yürüyə bilməsi ilə bağlı qayğılar var”.

Jurnalist, İbrahim Rəisinin birinci prioritetinin koronavirus olduğunu xatırlatdı: “Biz bilirik ki, bu məsələnin çözümünün bir ayağı iqtisadiyyatdır. Lakin İran bu sahədə ciddi mənada xərçəngləşmiş problemlər ilə qarşı-qarşıyadır. İbrahim Rəisi bu problemləri çözə biləcək son adamdır”.

Taha Kirmaninin fikrincə, bu dönəmdə hakimiyyətin də əsas hədəfi mövcud problemləri çözmək deyil, bəlkə daha ciddi problemlərin önünə keçməkdir. “İranda hazırda hakimiyyətin ən önəmli məsələsi mövcud durumu qorumaqdır. İnsanlar düşünə bilər ki, mövcud durum zatən pisdir, bunu qorumaq nə üçündür? Amma ölkədə özəlliklə sakitlik ilə əlaqədar ciddi qayğıların olduğu anlaşılır. Hakimiyyətdə bu qayğını görürük ki, millət müəyyən motivasiyalar ilə küçəyə çıxıb və təhlükəsizliyin pozulması və hakimiyyətin sarsılmasına yol aça bilər. Bu qayğının mövcud olduğunu Nazirlər Kabinetindəki adlara baxanda görə bilirik. Dolayısı ilə, İran hakimiyyətinin prioriteti mövcud durumu qorumaq və stabil vəziyyətə keçməkdir. Yəni mövcud problemləri çözməkdənsə, daha böyük və yıxıcı problemlərin ortaya çıxmasını önləməyə çalışacaq”.

Xəbərin oxunma sayı : 838