AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Əyləş, Ermənistan, yenə də “iki“ - indi də statistikaya görə


Tarix 16.01.23, 22:18	Font ölçüsü : - / +

2020-ci ildə sarsıdıcı hərbi məğlubiyyətə uğrayan Ermənistanın pandemiyadan sonra iqtisadiyyatını dirçəltmək üçün bütün cəhdlərə baxmayaraq, “islahatçılar” hökuməti 30 ildir ölkənin regionda təsərrüfat və infrastruktur məkanına tam inteqrasiyasına mane olan köhnə maneələri dəf edə bilməyib.

Ermənistanın regional əmək bölgüsü sisteminə cəlb edilməməsi, nəqliyyat qovşaqlarına və əlçatan enerji mənbələrinə çıxışın olmaması, Türkiyə və Azərbaycanla diplomatik və ticari-iqtisadi əlaqələri normallaşdırmaq istəməməsi onilliklərdir “daşlar ölkəsi”nin iqtisadiyyatının zərərli vəziyyətə düşməsinə gətirib çıxarır. Hökumətdə real nəticələrin olmamasını Ermənistan mediası və sosial şəbəkələri statistika hoqqabazlığı və müxtəlif hiylələrlə kompensasiya etməyə çalışır.

Ermənistanın bir sıra internet resursu bu gün faktları dəyişdirmək üçün növbəti cəhdə əl ataraq, Azərbaycanın vergi gəlirləri ilə bağlı statistikanı Ermənistanın büdcə gəlirləri ilə müqayisə etməyə çalışıb.

Ermənistan mətbuatı bu gün Azərbaycanda dövlət büdcəsinə vergi daxilolmalarının artım dinamikası ilə bağlı dərc olunan məlumatlara istinad edib. 2022-ci ildə Azərbaycanın dövlət büdcəsinə vergi daxilolmaları 15 milyard 541,5 milyon manat (9 milyard 142 milyon ABŞ dolları), o cümlədən qeyri-neft sektoru üzrə daxilolmalar 27,9 faiz artaraq 8 milyard 134,9 milyon manat və ya 4 milyard 785 milyon ABŞ dolları təşkil edib. Bu məlumatlara əsaslanan Ermənistan mənbələri belə qənaətə gəliblər ki, neft dolları olmayan, ötən il büdcə gəlirləri 4 milyard 901 milyon ABŞ dollardan bir qədər çox olan Ermənistan Azərbaycan büdcəsinin qeyri-neft gəlirlərini üstələyib.

Azərbaycan artıq Ermənistan KİV-ləri tərəfindən statistik məlumatların yanlış müqayisəsində daim məlumatların təhrif edilməsinə öyrəşib. Elə bu məsələdə də söhbət məhz bundan gedir.

Belə ki, Azərbaycan Maliyyə Nazirliyinin ilkin məlumatlarına əsasən, 2022-ci ildə dövlət büdcəsinin ümumi gəlirləri 30,660 milyard manat və ya 18,035 milyard ABŞ dolları, o cümlədən qeyri-neft və qeyri-qaz büdcəsinin gəlirləri 15,279 milyard manat və ya 8,987 milyard ABŞ dolları təşkil edib. Axı Azərbaycan büdcəsinin qeyri-neft gəlirləri təkcə vergi daxilolmalarından ibarət deyil! Buraya həm də Dövlət Gömrük Komitəsi və digər dövlət orqanlarından daxilolmalar da daxildir. Dövlət Vergi Xidmətinin xətti ilə daxilolmaların qeyri-neft sektoru üzrə payına gəlincə, bu, qeyri-neft büdcəsinin ümumi gəlirlərinin 53,2 faizini, yəni 4,785 milyard ABŞ dollarından bir qədər çox təşkil edir.

Müqayisə üçün qeyd edək ki, Ermənistanın 2022-ci il dövlət büdcəsinin bütün gəlirləri 4,901 milyard ABŞ dolları təşkil edib. Beləliklə, Azərbaycanın təkcə qeyri-neft və qeyri-qaz büdcəsinin gəlirləri Ermənistan büdcəsinin bütün gəlirlərini 1,8 dəfə üstələyir.

Ermənistan KİV-ləri ölkə büdcəsinin bütün gəlirlərini Azərbaycan büdcəsinə qeyri-neft sektoru üzrə daxilolmalar ilə müqayisə edərək, görünür, qəsdən Azərbaycan büdcəsinin qeyri-neft gəlirlərinin vergi gəlirləri ilə yanaşı, başqa gəlir mənbələrinə də malik olduğunu gizlədiblər.

Bu rəqəmləri bəh-bəhlə tirajlayan resurslardan heç birinin jurnalisti özünü əziyyətə verib adi rəqəmləri belə təhlil etməyib, ya da edib, sadəcə görüb ki, bu, onlara sərf etmir və palaza bürünüb ellə sürünməyi üstün tutub. Axı xalqa yalan danışmaq onlar üçün bir növ adətə çevrilib.

Onilliklər ərzində diaspor və Rusiyanın ianələri ilə dolanan Ermənistan bizə nə qədər inkişaf etdiyini “sübut etməyə” çalışır. Bəs onda niyə bu qədər inkişaf edən ölkə bütün bu illər ərzində ən böyük regional layihələrdən kənarda qalıb?! Bakıya iri şirkətlər gəlib, amma heç vaxt hansısa şirkətin qovşaq mərkəzinin İrəvan olduğunu görməmişik.

Ermənistan davamlı olaraq Qərbdən və ABŞ-dan büdcəyə daha çox qrantlar ayrılması üçün yalvarır. Rəsmi Bakı isə heç vaxt heç nə istəmir, çünki Azərbaycan çoxdan beynəlxalq təşkilatlar üçün yüksək orta gəlirli ölkəyə çevrilib. Ölkəmiz dəfələrlə dünya reytinqlərində inkişafa görə lider olub. Bəs Ermənistan nəyə nail olub? Aydın deyil. Ermənistanın nə vaxtsa liderlər sırasına yüksəldiyini hələ eşitməmişik!

P.S. Biz artıq Ermənistan mediasının daim informasiya təhrifinə yol verdiyinə alışmışıq... Görünür, onlara statistikanı, verilənlərlə işləməyi bacarmağı öyrətmək lazımdır... “Mercedes”i BMW ilə, ən pis halda “Audi” ilə müqayisə etmək lazımdır, daha “Zaporojets" (Zapı) ilə yox. Rəqəmlər də yaman inadkar şeylərdir...

Xəbərin oxunma sayı : 736